Jean Haritschelhar euskaltzainburua Espainiako Gobernuak EAEn duen ordezkari Paulino Luesmarekin bildu zen atzo (22), lau urteko inkomunikazioaren ostean. Euskaltzaindiak Europako Konstituzioa euskaratuko lukeela jakinarazi zion Haritschelharrek Luesmari. Bestalde, PPren gobernuak egindako diru laguntzen murrizketarekin amaitzeko eskatu zion gobernuko ordezkariari. Euskaltzainburuak azaldu zuenez, Aznarren gobernuak %57 jaitsi zuen Euskaltzaindiari bideratutako aurrekontua.