EH Bilduk dio Bizkaiko eta Arabako ogasunek diru gutxiago biltzea, EAJren zerga-politikaren “porrota” litzatekeela. Gaur emango dituzte bilketa datuak Euskal Finantza Kontseiluan.
Josu Erkoreka Eusko Jaurlaritzako bozeramaileak azken egunetan askoren ahotan dabilen hipotesi bat baieztatzeko urrats berria eman zuen astearte goizean, gobernu kontseiluaren ostean: baliteke Bizkaiko eta Arabako aldundiek aurten diru gutxiago bildu izana, eta horrekin, Erkorekaren esanetan “derrigorrezkoa” izango litzateke datorren urteko aurrekontuetan “doikuntzak” egitea.
Erkorekak “murrizketa” hitza erabiltzea saihestu du, ez ordea oposizioko alderdiek eta eragile sozialek. “Erabat faltsua da murrizketak egitea ezinbestekoa dela”, esan du ELAk Erkorekari erantzunez kaleratutako oharrean.
Sindikatuaren ustez Urkulluk politika antisoziala darama aurrera, defizitaren muga bete eta zor-publikoa ordaintzeari “lehentasuna” ematen diolako, fiskalitatearen gaiari “behar bezala” heldu beharrean: “ELAk kontuak eskatu dizkie euskal gobernuei eta aldundiei, hauek uko egiten badiote diru-sarrerak hobetzeko zerga-politikari”.
Zerga-politikaren eztabaida berriz mahai gainean kokatu dute Erkorekaren hitzek. EH Bilduk EAJ egin du diru gutxiago biltzearen arduradun: “Erkorekak esan duena da EAJk sustatu duen zerga politikak porrot egin duela eta horren ondorioak, hau da, murrizketak, euskal herritarrek pairatuko dituztela”, dio koalizio abertzaleko legebiltzarkide Leire Pinedok.
EH Bilduk esan du ostegunean Legebiltzarrean egingo den eztabaidan “Gipuzkoan ezarri den eredua” aintzat hartzen duen zerga erreforma egitea proposatuko duela.
Euskal Finantza Kontseiluaren datuen zain
Asteazkenean arratsaldeko 16:00etan Euskal Finantza Kontseilua izango da. Bertan biltzen dira Bizkaia, Araba eta Gipuzkoako aldundietako ordezkariak, Eusko Jaurlaritza eta Eudel. Kontseiluaren bilkuraren helburua da aldundietako ogasunek aurtengo diru-sarreren lehen datuak ematea, Eusko Jaurlaritzak aurrekontuen lehen zirriborroa egin dezan.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.