Jaurlaritzak kalamuaren legeztatzea baztertu du, proposamena aurkeztu eta egun bat geroago
Eusko Jaurlaritzak kalamua legeztatzeko asmorik ez duela adierazi zuen atzo, herenegun marihuanaren "kontsumo arduratsua" onartuko zuela iragarri bazuen ere. Osasun sailak aurkeztutako datorren urterako Menpekotasunen VI. Planaren barruan kalamuaren landatzea, salmenta eta kontsumoa arautzea proposatu zuen. Idoia Mendia Jaurlaritzako bozeramaileak ordea, aukera hori baztertu zuen atzo, eskumenik ez dutela argudiatuz.
"Debekatzera jo ordez, logikoena da bidea segurtatzea jendeak arduraz joka dezan, informazioari eta hezkuntzari esker", adierazi zuen heren egun Rafael Bengoa Osasun eta Kontsumo sailburuak. Gainera, kontsumoaren inguruan dauden hutsune legalak konpontzeko eta “autonomía pertsonalaren alde” egiteko asmoa azaldu zuen.
Hala ere, atzo Mendiak esandakoaren arabera, proposamenaren xedea legedia aztertzea eta araudia hobetzea da, kalamuaren kontsumitzaileak jaisteko asmoz. Legeztatzea “estatuaren eskumena” dela gogorarazi nahi izan zuen Mendiak.
Kanadako Columbia Britaniar probintziak programa pilotu berri bat hasi du, kokaina eta heroina bezalako droga gogorren jabetza despenalizatzen duena kopuru txikitan. Kanadako gobernu federalak mendebaldeko kostaldeko probintziaren eskaera onartu ostean, hiru urte iraungo duen... [+]
Martxoaren 10ean, kalamuaren kontsumoa legeztatzeko lege ekimena onartu zuen Mexikoko Kongresuko Behe Ganberak, eta ondoren Senatuak. Hala, Uruguai eta Kanadaren atzetik, aisialdirako erabili ahal izango dute kalamua Mexikon, baina legalizazioa bermatu gabe. Narkotrafikoak... [+]
Asteazkenean Vienan egindako bozketan, Nazio Batuen Erakundeak kalamuaren ezaugarri medizinalak onartu ditu, El Salton jaso dutenez.