Jaurlaritza Iberdrolarekin negoziatzen ari da Lemoizko zentral nuklearreko lurrak bere esku utzi ditzan

  • Lurrak kudeatzeko baimena uztailean amaitzen zaio Iberdrolari. Otsailerako lortu nahi ditu ordea lurrak Eusko Jaularitzak, bertan arrain haztegi bat jarri nahi du martxan.


2017ko azaroaren 30an - 10:46

Eusko Jaurlaritzak, Bizkaiko Aldundiak eta Lemoizko udaletxeak mahai bat sortu dute, eskualdatze prozesua koordinatu eta prozesuaren jarraipena egiteko. Imanol Pradales Garapen ekonomikorako diputatuak azaldu zuen Bizkaiko Batzar Nagusietan EH Bilduren galderari erantzunez. Hiru erakundeen artean, Eusko Jaurlaritza  da Espainiako Gobernuarekin hizketan ari dena

Maiatzaren 3an izenpetu zuten aurrekontuen inguruko akordioa EAJ eta PPk. Akordio horren arabera, Espainiako Gobernuak Lemoizko lurrak euskal instituzioen esku uzteko konpromisoa hartu zuen. Akordioa garatzeko bilera ugari egin dituzte bi instituzioen artean.

2018ko uztailaren 29ra arte du baimena Iberdrolak lur horiek kudeatzeko. Hala ere, otsailerako lur horien gaineko eskumenak lortu nahi ditu Eusko Jaurlaritzak. Zentral nuklearraz gain, ondoko urtegia eta inguruko beste 300 hektarea kudeatzeko baimena du gaur egun Iberdrolak.

Lur horiek kudeatzeko baimenari uko egin diezaiola eskatu diote instituzioek energia alorreko enpresari, eta horretarako trukean ez dezala dirurik eskatu. Lur horietan arrain haztegi bat eraiki nahi duela jakinarazi zuen Eusko Jaurlaritzak. Lurren eskualdatzea eman dadin “ezaugarri juridiko eta legal batzuk” konpondu behar dituztela adierazi du Pradalesek.


Kanal honetatik interesatuko zaizu: Lemoizko zentral nuklearra
2023-06-02 | Hala Bedi
Waldo, Eguzki
"Gladys bezalakoei esker, gaur egun ez dugu nuklearrekin arazo larri bat Euskal Herrian"

"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.

 


2022-10-24 | ARGIA
Lemoizko zentralean sartu eta “trantsizio ekologiko justua” aldarrikatu du Sortuk

Militante batzuk zentral nuklearrera sartu dira, eta bi pankarta zintzilikatu dituzte: greenwashig-aren aurkakoa eta energiaren “trantsizio ekologiko justua”ren aldekoa. Sortuk neoliberalismoari egotzi dizkio egungo krisiak, eta premiazkotzat jo du “180 graduko... [+]


Lemoiz eta Superphénix gelditu!

Bilbo, 1977ko uztailaren 14a. 200.000 pertsona bildu ziren Lemoizeko zentral nuklearraren proiektua geldiarazi zezaten eskatzeko. Bi aste geroago Europa osotik joandako 60.000 lagun bildu ziren Frantziako Estatuko Creys-Malvillen abian jarritako Superphénix erreaktorearen... [+]


Gladysen memoria, bizi-bizirik 43 urte geroago

Aurten ere Gladys del Estal omendu dute Donostian, Eguzkik eta Gladys Gogoan kolektiboak antolatutako ekitaldian. 43 urte pasatu dira guardia zibil batek Tuteran tiro bat buruan jota hil zuenetik, energia nuklearraren eta Bardeako tiro poligonoaren kontrako mobilizazio baten... [+]


Eguneraketa berriak daude