EAEko hezkuntza publiko ez-unibertsitarioan bigarren egunez greba egin dute jarraian eta sindikatuek emandako lehen datuen arabera jarraipena zabala izaten ari da. Hiriburuetan manifestazioak egin dituzte eguerdian.
ELA sindikatua izan da osteguneko greba egunaren datuak ematen lehenetakoa. Sindikatu honek hezkuntzako sektore guztietan zuen deituta lanuztea STEILAS-ekin batera eta azaldu duenez astezkenekoaren paretsua izan da jarraipena: irakaskuntzan %75, heziketa berezian %60, haurreskoletan %30 eta sukalde eta garbiketako langileen artean %65.
LABek beste datu batzuk eman ditu ordea: irakasleen artean %70 izan da jarraipena bere esanetan. Sindikatu honek soilik irakasleen artean deitu du greba bi egunotan eta ordezkarien gehiengoa duen beste hiru kolektiboetan ez, horrek desadostasunak eta tentsioa sortu du sindikatu deitzaileen artean.
Eusko Jaurlairtzako Hezkuntza sailaren arabera, berriz, bigarren egunean grebarekin bat egin duen jende kopurua zertxobait altuagoa izan da, baina sindikatuek emandako datuetatik oso urrun dago hala ere: %42,9 irakasleen artean, %24,5 heziketa berezian, 17,1 garbiketa eta jangelan, %15,6 haurreskoletan
Nolanahi ere, batzuk zein besteak Eusko Jaurlaritzako arduradunei zuzendu zatzaizkie eta erantzunik jaso ezean bide beretik jarraituko dutela ohartarazi dute: "Ibilbidearen amaieran gaudela uste duten horiei, argi eta ozen esan nahi diegu bidearen hasieran besterik ez gaudela. Hezkuntzan paradigma aldaketa dugu jomuga", adierazi du LABek
ELAk berriz, sektore guztientzako irtenbidea aldarrikatu du: "Bi egun hauetan hezkuntza publikoko sektore ezberdinetako langileen gehiengo zabalak argi erakutsi dute Jaurlaritzaren proposamenak ez dituztela nahikotzat jotzen, ez diotelako hezkuntza publikoko sektore bakoitzak dituen arazo larrienei erantzuten ez eta aplikatutako murrizketak atzera botatzen ere".
Manifestazio jendetsuak
Asteazkenean Eusko Jaurlaritzaren Gasteizko egoitza aurrean bildu zituzten indarrak hezkuntza publikoko langileek, ostegunean berriz eguerdian hiriburuetan egindako manifestazioekin erakutsi dute giharra:
<
Donostian ere #GrebaHezkuntzan manifestazioa pic.twitter.com/Su0PSpAYja
— STEILAS sindikatua (@STEILAS_) 2018(e)ko martxoak 15
Gaurko manifestazioan, Hezkuntza Delegaritzan ikasleek egindako marrazkiekin islatu dituzte aldarrikapenak https://t.co/KhcJ0yeoqh pic.twitter.com/5fsYz0jIhP
— Hala Bedi (@halabedi) 2018(e)ko martxoak 15
Arriaga plazan langile guztiok bildurik, manifestoaren irakurketari ekin diote sindikatuek. Gaurko eguna, atzoko bezala, arrakasta paregabea!!! Hezkuntza publikoa defenda dezagun!!!Lan baldintzak hobetu hezkuntza eraiki!!!#GrebaHezkuntzan #eutsitatira pic.twitter.com/Jo8GhrLUDA
— ELA Hezkuntza (@ELAhezkuntza) 2018(e)ko martxoak 15
"Hezkuntza publikoa borrokan" #HezkuntzaEraiki pic.twitter.com/n3Im6cbOBe
— Emakumeok* planto! (@LABsindikatua) 2018(e)ko martxoak 15
#irakasleokBORROKAN #Hezkuntza ERAIKI Gasteizko manifestazioa pic.twitter.com/Mk9nAszKHB
— LAB Zerbitzu Publikoak (@labzpf) 2018(e)ko martxoak 15
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]
EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]
Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]
Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]