Japoniarren Antartikoko bale ehiza debekatu du Nazioarteko Justizia Epaitegiak

  • Australiak duela lau urte Japonia auzitara eraman zuen, ustez ikerketa zientifikorako ehizatzen zituzten baleen esplotazio komertziala egiteagatik. Nazioarteko Justizia Epaitegiak bale ehiza "zientifiko" hori debekatu du.


2014ko apirilaren 01an - 00:00
Azken eguneraketa: 2015-02-26 13:37:33
Japoniarrek Antartikoan egiten zuten bale ehiza debekatu du Nazioarteko Justizia Epaitegiak. (Argazkia: SIBCI)

Bi herrialdeek tribunalaren epaia errespetatuko dutela adierazi dute.

Japoniak bale ehiza ikerkuntzaren baitan txertatuta justifikatu du, baita bale ehiza herrialdeko kulturaren parte dela adieraziz ere. Epaiak bale ehiza beharrezkoa ez dela berretsi du ordea, ozeanoen osasunerako praktika kaltegarria dela argudiatuz.

Greenpeace talde ekologistak, hainbat erakundek eta mundu osoko gobernuek bale ehiza gaitzetsi dute urte askoan. 1986ean xede komertzialerako ehizatzea debekatu zen arren, Japoniak bere horretan jarraitu du zientziaren aitzakia erabiliz.

Azken 20 urteetan 10.000 bale baino gehiago ehizatu dira Antartikoan, Ozeano Australean, Japoniatik 6.000 kilometrora.

 


Kanal honetatik interesatuko zaizu: Animalien eskubideak
Animalien askapena EHUn ikergai

Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan. 


2023-09-06 | ARGIA
1.761 ekitalditan zezenak erabili dituzte Hego Euskal Herriko festetan

Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.


Eguneraketa berriak daude