"Fast-food" enpresetako 500 langile atxilotu dituzte soldata baxuen aurkako protestetan
AEBetako janari azkarreko enpresetan ari diren milaka langilek greba egin zuten joan den ostegunean lan baldintza prekarioengatik protestatzeko eta soldata duin bat eskatzeko. Emaitza: 500 atxilotu 150 hiritan, horien artean AEBetako Kongresuko kide bat, Waging Non Violence guneak argitaratu duenez.
"Fight for 15" (15en aldeko borroka) orduko 15 dolarreko gutxieneko soldataren alde borrokatzen duen mugimendua da. Ekimenak eta kanpaina judizialak 2012an hasi zituzten Manhattango McDonalds batean, eta mugimendua berehala zabaldu zen herrialdean barrena. Izan ere, AEBtako fast food kateetako langileen %68k 7,26 eta 10,19 dolar artean baino ez dute kobratzen orduko.
Maiatzean 30 bat herrialdetako fast food langileak mundu mailako greba egin zuten lehenengo aldiz.
Uztailean, AEBetako fast foodeko langileek iragarri zuten “beharrezkoa den guztia” egiteko prest zeudela, desobedientzia zibila barne, 15 dolarreko gutxieneko soldata lortzeko.
Irailaren 1ean, AEBetako Lanaren Egunarekin batera (Labor Day), 500 atxiloturekin amaitu den greba nazionalaren berri eman zuten.
"Fight for 15" mugimenduak garaipen garrantzitsua lortu du aurtengo udaberrian: Seattleko Udalak 15 dolarreko soldata minimoa onartu du hirian. Neurria gutxinaka inplementatuko da hurrengo urteetan.
Chicagoko protesten eta atxiloketen irudiak jaso dituzte bideo honetan:
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.