Gasteizko jaietan eraso matxistei erantzuteko prest

  • Gasteizko mugimendu feministak hainbat neurri aurkeztu ditu: telefono bat, informazio-gune bat eta elkarretaratzeak, besteak beste

Arabako Alea @ArabakoALEA
2016ko abuztuaren 04a
Argazkia: Hala Bedi irratia.

Gasteizko jaiak “emakumeentzat seguruak izan daitezen” eta eraso matxistei aurre egiteko, hainbat neurri aurkeztu ditu gaur hiriko mugimendu feministak.

Aurreko urteetan bezala, telefono bat jarri dute eskuragarri, eraso bat jasan edo ikusten duten gasteiztar guztientzat: 688- 85 29 01. Mugimendu feministako kideak 24 orduz egongo dira telefonoaren bestaldean, laguntza eskaintzeko.

Erasoen aurkako protokoloa.

Bestalde, txosna gunean jaima bat jarriko dute gauero, 22:00etatik 02:00etara. Bertan, eraso matxistak identifikatzeko informazioa eskainiko dute, eta bertara jo ahal izango dute erasoren bat jasan edo ikusten dutenek. Txosna batzordearekin elkarlanean irekiko dute gune hori; izan ere, “erasorik gabeko gune bat izateko lanean ari dira txosnak”, jakinarazi dutenez.  Erasoen aurrean edozein barrara hurbildu eta horren berri ematera animatu dituzte gasteiztarrak, bertan lanean ari diren pertsonak zuzenean jarriko baitira mugimendu feministarekin eta txosna-batzordearekin.

Erasoen aurrean nola erantzungo duten zehaztu dute ere: gertatu eta hurrengo egunera, elkarretaratzea deituko dute Andre Maria Zuriaren plazan, 20:30ean. Herritarrei eta erakundeei protesta horietan parte hartzeko dei egin diete.

Gasteizko emakume baten hilketaren aurkako protesta, ekainean. Argazkia: Saioa Fdz. de Aranguiz.  
Udalarena, "hankamotz"

Udalak aurkeztu duen protokoloari dagokionez, modu positiboan baloratu dute, baina “hutsuneak” antzeman dizkiote. Batetik, azpimarratu dute mugimendu feministaren aldarrikapen historikoa izan dela protokolo hori (haiek egin zuten lehena), eta iaz Udalari bat egiteko eskatu zioten arren, udal-gobernuak aurtengo uztailera arte landu ez duelako kexu dira, “berandu eta denbora gutxi eskainiz”.

Antzeman dituzten “gabezien” artean, honakoak aipatu dituzte: erasoak gertatzen direnean, Udalak 5 minutu etengo ditu jaietako ekintzak, eta ez 15 edo 30, mugimendu feministak proposatu bezala. Horrek, bozeramaileen hitzetan, “argi uzten du Udalaren inplikazio maila, ez baitago prest eraso larrien aurrean bere egitaraua aldatzeko, ezer gertatu ez balitz bezala jarraituz”.

Horretaz gain, brigada moreen sorrera ere eskatu zioten Udalari, “puntu arriskutsuetan dauden pertsonei formakuntza eskaintzeko”. Aldiz, "informazio-mahai bat baino ez du jarriko Udalak", kritikatu dutenez. Kexu dira ere, prentsaurreko batean aurkeztu zuelako protokoloa Gorka Urtaran alkatearen taldeak, mugimendu feministari azken aldaketen berri eman gabe.  

Gautxori zerbitzuan, geltoki gehiago

Bestelako eskaikizunak ere badituzte: Gautxori autobus zerbitzuari dagokionez, hiriko kanpoaldeko auzoetan geltoki gehiago eskatu dituzte, ordutegia areagotuz, “leku horiek, isolatuak daudenez, erasoetarako leku aproposak izan daitezkeelako”.

Abuztuaren 9an, Egun feminista

Erasoei aurre egiteko bezala, “ondo pasatzeko prest ere” agertu da mugimendu feminista eta, hori dela eta, Egun feminista aurkeztu dute: abuztuaren 9an txosnetan antolatutako programazioa, hain zuzen.

Albiste hau Arabako Aleak argitaratu du eta egile eta komunikabideen baimenari esker ekarri dugu ARGIAra  

Kanal hauetan artxibatua: Feminismoa  |  Jai herrikoiak  |  Gasteiz  |  Autodefentsa feminista

Feminismoa kanaletik interesatuko zaizu...
Zuri˝e Rodriguez
"Mugimendu feministak bake prozesuan parte hartu behar du"

Zuriñe Rodriguez kazetariari beti interesatu zaio ea emakumeek zer rol bete dituzten gatazka armatuetan, baina konturatua zegoen beti dela errazago urrutiko korapiloak aztertzea norberarenak baino. Hara non, ordea, masterreko lanean zer gai landuko zuen erabaki behar zuen astean, orduantxe iragarri zuen ETAk behin betiko utziko zuela jardun armatua. Eta hala ekin zion Rodriguezek hura aztertzeari, gure hau.


2018-04-22 | Ane Labaka Mayoz
Hilekoari beha
Bizitza ez baita lineala, biribila baizik

Emakume gorputz ezezagunak, estu hartuak, minduak, aurreiritziz estaliak. Ione F. Zabaleta eta Enara I. Dominguez irundarrak kritikoak dira ginekologia molde hegemonikoarekin. Norbere gorputzak ezagutu, behatu, eta jakintza elkarren artean trukatzea lehenesten dute. Helburua errealitate samurragoa eraikitzea da. Hilekoaren nondik norakoak azalduz autoginekologian pausoak emateko bidea erakutsi digute.


One Orti printzesa baskoia
Dinastiak batzeko tresna

Iruñea, c. 848. Oneka Orti jaio zen, Iruñeko Orti I.a Gartzez Begibakarra erregearen eta Auria erreginaren alaba, Aritza leinukoa. Haren berri Rodako Kodexak eta Al-Andaluseko historialarien kronikek jaso zuten, bain a ezer gutxi adierazten dute bere izaeraz eta, hala, Oneka bere ezkontzek izan zuten eragin politikoarengatik da nagusiki ezaguna.

 


2018-04-22 | Saioa Baleztena
Leticia Dolera. Sororitatea aldarri
"Feminismoa ez dago gizonezkoen kontra, baizik eta patriarkatuaren kontra"

Bere burua “aktore, zuzendari, feminista eta zonbi-hiltzaile” definitzen du Leticia Dolerak (Bartzelona, 1981). Antzezle gisa ibilbide luzea egin ondotik, 2015ean zuzendu zuen bere lehendabiziko filma eta otsailaren hondarrean publikatu zuen Morder la manzana (Sagarra hozkatu), liburua.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


2018-04-15 | Miren Osa Galdona
EITBko eztabaida saioak
Emakumeak jokoz kanpo

Oso boladan daude, iritzi sortzaile indartsuak dira: irrati-telebistetako tertulia saioez ari gara. Hitz eta pitz aritzen dira, makina bat gaiez, sarri elkarri hitza kentzen eta ahotsa goratzen. Solaskideen artean nabarmen gailentzen dira gizonezkoak. Datuak EHUko ikertalde batek eskaini ditu. ARGIAk hainbat tertuliakide eta aurkezleren iritzia jaso du. Zergatik gonbidatzen dituzte hain emakume gutxi? Eta zergatik esan ohi diete emakumeek ezetz gonbidapenei? Zer egin daiteke desoreka... [+]


Ama txarra dela esanez etengabe epaitzen dutenei barre egin die emakume honek

Kirolaz mintzatzen da sare sozialetan (entrenatzaile pertsonala da), baina uzten dizkioten komentario askok ama bezala epaitzen dute: ama txarra dela haurdun zegoenean entrenatzeagatik, abdominalak izateagatik, seme-alabekin batera lo egiteagatik, haurrak nahikoa ez estaltzeagatik… Zerrenda luzea da eta testuz lagundutako argazki bat eskaini die kritika horiei guztiei; ardoa edaten ageri da bertan, alaba txokolatea jaten eta semea tabletarekin.


2018-04-06 | Baleike
Zumaiako ehun bat emakumek eraso sexisten aurkako protokoloa aurkeztu dute jaien atarian

Ostiralean hasiko dira San Telmo jaiak Zumaian, zalantzarik gabe herriak dituen jai garrantzitsuenak. Festa giroa eta alaitasuna nagusituko dira beste behin ere. Hori hala izanda ere, eraso sexisten arriskuak hor jarraitzen duela salatu zuten atzo Amaiako plazan bildutako emakumeek. Irakurketa bat egin zuten eta baita eraso sexisten aurkako protokoloaren berri eman ere. 


Gorputzetik pasa gabe ezin da ikasi

Emakumeak bertsogintzan bidetxoa egiten hasi arte, apenas aipatu den “gorputza” bertsolaritzan. Bazirudien lepotik gorakoa bakarrik zela bertsolaria. Baina bazen kontraesan handi bat: “plazan egiten da bat bertsolari” esaten baitzen. Eta zer da plaza,  jendaurrean kantari ari den gorputz bat ez bada?


Azkenak
EGILEA
Eguneraketa berriak daude