Espeziearen egoera larria da. Itsasoko Kontserbazio Elkarteak (ingelesez MCS) adierazi du herrialdeen arteko akordiorik lortzen ez bada, lupiaren arrantza denbora baterako debekatzeko aukera dagoela.

Iaz, Itsasoaren Esplorazioaren Nazioarteko Kontseiluko (ingelesez ICES) zientzilariek lupiaren arrantza %80 murrizteko deia egin zuten, espeziaren jaitsiera azkarrak geldiarazteko. MCSk, gainera, Atlantikoko ipar-mendebaldeko lupia kantitatea 2010az geroztik errekuperatzeko zaila izango den mailaraino jaitsi izana salatu zuen.

Europar Batasuneko estatuak arrantza komertzialean murrizketak egiteko adostasun batera iritsi badira ere, ICESek ezarritako %80ko murrizketatik oso urrun gelditu dira.

Samuel Stone, MCSko arrantza ofizialak adierazi du eskatutako neurriak urgentziaz hartzen ez badira, arrain “ospetsu eta garrantzitsu honen kolapsorantz” zuzenean joanen garela. Akordiorik lortu ezean, esan du Stonek, “lupiaren arrantzaren inguruko moratoria beharrezkoa izanen da etorkizun hurbilerako”.