Italiako mafia ikertzen ari den kazetari bati eraso egin diote kamera aurrean

  • Sudurra hautsi diote RAI 2 telebista publikoko kazetari Daniele Piervincenziri, Erromako Ostia auzoko "Spada” klanak CasaPound talde faxistarekin dituen harremanei buruzko elkarrizketa bat egiten ari zela.


2017ko azaroaren 17an - 11:56

Erromako Ostia auzoko Spada izeneko klanak CasaPound talde faxistarekin loturak dituela zabaldu dute hainbat hedabidek. RAI 2 telebista publikoko Daniele Piervincenzi kazetaria lotura horretaz galdetu dio familia horretako kide Roberto Spadari. Orduan gertatu da erasoa, Euronews-ek zabaldu duen bideoan ikus daitekeenez.

Kazetariaren azken galderari burukada batekin erantzun dio Spadak, egun argiz eta telebista publikoaren kamera aurrean zuela. Ondoren, kazetaria –sudurra hautsita duela– eta Edoardo Anselmi kameralaria korrika alde egiten saiatu dira, baina Spadak, eskuan makila hartuta, atzetik eraso egiten jarraitu zuen.

Spadak ondorengoa adierazi du Facebooken erasoa justifikatzeko: “Ordu eta erdiz ‘ez dut elkarrizketarik eman nahi’ esaka aritu ostean, bazkideentzat bakarrik irekita dagoen elkarte batera indarrez sartu zen kazetaria, bilera bat eten eta nire semea beldurtuz. Zuk, zer egingo zenukeen, ba?”.

Roberto Spadaren anaia 10 urteko espetxe zigorra betetzen ari da estortsioa egiteagatik, bide mafiosoak erabiliz.

Mafia eta ultraeskuina

“Ostia klanen menpeko lurralde bilakatu da, Corleoneren garaietan bezala”, salatu du Roberto Saviano kazetariak eta Gomorra liburu entzutetsuaren egileak. “Ostia mafiaren menpe dago, larderia, estortsioa eta diru zuriketaren lurraldea da”.

Erromako Ostia barrutian egindako azken hauteskundeetan Casapound talde neofaxistak bozen %9a lortu zuen eta alarma guztiak piztu zituen. Izan ere, Parlamentura aurkeztu eta ordezkaritza politikoa lortzeko asmoa adierazi dute.


Kanal honetatik interesatuko zaizu: Faxismoa
2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Erorikoen monumentua eraistea eskatu dute Iruñean

Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.


2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Manifestazio jendetsu batekin oroitu dute Aitor Zabaleta

Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]


Eguneraketa berriak daude