Deszentralizazioa onartu ondoren istiluak Ukrainako Parlamentuan
Astelehenean Ukrainako Parlamentuak boterearen deszentralizazioa ekarriko duen Konstituzioaren erreforma proiektua baietsi du. Polizia eta manifestarien arteko istilu larrietan polizia bat hil da eta gutxienez beste 120 zauritu dira.
Parlamentu barruan eztabaida gogorrak izan ziren eta eskuin muturreko alderdiak bozketa galarazten saiatu ziren.
Kieven jazo diren gertakarien harira, Serguéi Lavrov, Errusiako atzerri ministroak esan du istiluak Svoboda alderdi neonaziko kideek sortu dituztela, RT komunikabide Errusiarrak jaso duenez.
Lavrovek gaineratu du ere “konstituzio erreforma honek aparteko estatusa” behar duela Ukrainako Donbaseko eskualdearentzat.
Erreformak hiru mailatako tokiko boterea aurreikusten du: eskualde, distritu eta komunitateetakoa. Ondorioz, komunitateek eskumen gehiago izango dute.
Petro Poroshenko Ukrainako presidentearen bozeramailearen esanetan, Ukrainako Donetsk eta Luganskeko eskualdeak ez dira legearen barnean sartzen. Lurralde hauen egoera beste lege batek arautuko duela esan zuen bozeramaileak.
Legeak Minskeko akordioak urratzen ditu
Erreforma honek Errusiako eta Ukrainako gobernuek 2015eko otsailean sinatu zituzten Minskeko akordioak urratzen dituela salatu dute, parlamentuan ez baita Donetsk eta Luganskeko ordezkapenik izan.
Minskeko Akordioak hamahiru puntu ditu, horien artean su etena Donbass guztian, gatazka guneko armamentu guztiaren deuseztapena eta erreforma konstituzionala.
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.