Istiluak izan dira AHTren aurkako ekintzaileen eta Poliziaren artean Italiako Susa haranean

  • Istilu eta borrokak izan dira Lyon (Frantzia) eta Turin (Italia) arteko AHTren eraikuntza lanetan uztailaren 22 eta 23 artean. Tren honen aurkako mobilizazioen amaieran, ehunka lagun lanetara sartzen saiatu dira. Poliziarekin talka egin dutenean, gas negar eragilea bota diete eta manifestariek su artifizialak eta suziriak.

AHTren aurkako ekintza Italian. (Argazkia: Diego Fulcheri)

2017ko uztailaren 26an - 12:20

Oltremedia gune alternatiboan irakur daitekeenez, hedabideetan asko zabaldu ez bada ere, AHTren aurkako mugimenduko kideek lanean jarraitzen dute Italiako Susa haranean. Uztailaren 8an ehunka lagunek manifestazioa egin zuten Venaus herritik Clarea haranera.

Uztailaren 17tik 23ra lanen ondoan kanpaldia egin dute No Tav mugimenduak deituta. Hemen ikus daiteke prestatutako egitaraua.

Beren webgunean zintzilikatutako oharrean irakur daitekeenez, behin hau amaitutakoan 300 bat lagun lanetara joan ziren uztailaren 23an. Basoan barrena talde ugaritan banatu eta lanen eremura sartzen saiatu ziren. Polizia agertu zen gas negar eragilea botaz eta manifestariek su artifizial eta suziriekin erantzun zieten.

AHTren aurkako ekintzaile batzuek lanetara heltzea lortu zuten, segurtasun hesiak moztu eta mugimenduaren banderak zintzilikatu zituzten. "Haran hau suntsitzeko lanetan inolako perturbaziorik gabe jarrai dezaketela uste dutenei jakinarazpena izan da".

Uztailaren 27tik 30era, "Alta Felicità" festibalaren bigarren edizioa egingo dute Venaus herrian. Bertan Piamonten 25 urtez borroka honetan zergatik ari diren ulertzeko aukera izango du festara hurbiltzen den edonork. Dohainik da sarrera eta hemen da festibalaren webgunea.

Jarraian joan den eguneko ekintzaren argazkiak, lotura honetan daude Diego Fulcheri argazkilariak ateratako guztiak.

 


Kanal honetatik interesatuko zaizu: Italia
Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


4.000 urteko ezpain-margoa

Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko  barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]


Harakin eta zirujau

Erroma, 1215eko apirila. Laterango IV. Kontzilioan, Eliza Katolikoak apaiz eta monjeei kirurgia egitea debekatu zien, besteak beste. Aurreko kontzilioetan ere, Reimsen eta Toursen, gaia landu zuten, lekaideek soilik arimak salbatzeaz arduratu behar zutela eta gorpuen salbazioa... [+]


Etruriar emakumeak greziarren begietan

Grezia, K.a. IV. mendea. Hainbat greziar pentsalarik, esaterako, Aristotelesek edo Heraklidesek, etruriarrei buruz idatzi zuten, Italiar penintsularen erdialdean eta iparraldean bizi zen herriari buruzko iritzi negatiboa jasoz. Etruriar emakumeak kritikatu zituzten bereziki, eta... [+]


Eguneraketa berriak daude