Israelgo epaitegi batek Rachel Corrie ekintzailearen heriotza "istripua" izan zela dio

  • Rachel Corrie Palestinaren aldeko ekintzailearen heriotza "istripu tamalgarria" izan zela eta Israelgo Estatua eta armada ez direla errudun esan du Haifako (Israel) Auzitegi Gorenak, ekintzailearen familiak ezarritako demanda zibilari erantzunez. Corrie Israelgo armadako hondeatzaile batek azpian harrapatuta hil zen 2003an, 24 urterekin, palestinarren etxeak eraits ez zitzaten aurrean belauniko zegoela.


2012ko abuztuaren 29an - 00:00
Azken eguneraketa: 2015-02-26 13:37:33
Rachel Corrie Israelgo armadaren hondeatzaile batek zapalduta hil zen 2003an.

 "Nahita" egoera arriskutsuan ipini zela eta toki militar itxia izanik "ilegalki" zegoela argudiatu du Oded Gershon epaileak. Gaineratu du gidariak ezin izango zuela Corrie ikusi hondeatzaileen kabinatik.

Corrieren familiak 300.000 dolarreko ordaina espero zuen, hondeatzailea gidatzen zuen soldaduak "apropos" hil zuela pentsatzen baitu. Epaia ezagutu ondoren "triste" eta "kezkatuta" azaldu ziren atzo: "Gaurkoa egun txarra izan da, baina ez soilik gure familiarentzat, baita giza eskubideentzat, humanitatearentzat eta Israel berarentzat ere".

Giza eskubideen plataformek "aurrekari arriskutsutzat" jo dute epaiketaren emaitza.

Informazio gehiago, The Guardianek egindako bideoa:


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Palestina
2024-03-18 | ARGIA
Laguntza humanitarioaren bila joandako 400 pertsonatik gora hil ditu Israelek

31.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-18 | ARGIA
Gazako genozidiora "ez ohitzeko" eskatu dute milaka herritarrek Donostian

250 kulturgiletik gorak egin zuten deialdia “Kulturatik genozidioari stop” manifestaziorako. Milaka lagunek Alderdi Eder eta Haizearen Orrazia arteko ibilbidea bete dute martxoaren 17an. Hainbat esku-hartze artistiko izan dira tartean. Inpakturik handiena, ibilbidean... [+]


Eguneraketa berriak daude