Israelen harriak jaurtitzeagatik hogei urte arte kartzelara
Israeleko Parlamentuak asteartean onartu duen legearen arabera, istiluetan parte hartzen dutenek hamar eta hogei urteko kartzela zigorra jaso dezakete.
Legeak harriak jaurtitzen dituztenentzat bi zigor mota aurreikusten ditu: lehenik, harriak jaurtitzen dituen orok hamar urteko espetxe zigorra jaso lezake. Kasu horretan fiskaltzat ez du frogatutzat hartu beharko kalteak eragiteko asmoa.
Bigarrenik ekintzailearen kalteak egiteko intentzioa frogatuko balitz hogei urteko kartzela zigorra jaso lezake.
Legea Netanyahu Israelgo lehen ministroaren gobernuko Ayelet Shaked Justizia Ministroak sustatu zuen. Gobernuko adar kontserbadoreenean kokatzen da Shaked, Netanyahu baino eskubirago.
Mandatua Israeleko Parlamentuan (Kneset) 67 aldeko botorekin onartu zuten. 17 izan ziren kontra bozkatu zutenak.
Shakedek harriak jaurtitzen dituztenak “terroristak” direla esan du eta ekintza hauek soilik “modu honetako epaien bidez” desagertu daitezkela gaineratu du.
Legedi zaharraren arabera frogatuta egon behar zen jaurtitzailearen intentzioa, eta horren ondorioz epaiak malguagoak ziren.
Legea batez ere Israelgo indar okupatzaileen edo poliziaren sarekaden aurka protestetan ari diren gazte palestinarren aurka zuzenduta dago.
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Iranen eta Israelen arteko tentsioa areagotuz doa eta bi aldeek argi utzi dute parekoaren erasoari erantzun bortitz eta gogorrez erantzungo lioketela. Bizkitartean, Israelekiko babesa berretsi dute AEBek zein Europako Batasunak.
