Bruselan Europako Batzordearen aurreko plaza zapataz bete dute, atzerri ministroen bileraren aurretik. Pare bakoitzak Israelgo militarrek hildako palestinarrak sinbolizatzen ditu. Avaaz GKE-ren ekimena izan da eta sarean sinadurak biltzen ari dira.
AEBetako beltzen eskubideen aldeko Black Lives Matter mugimenduaren izenarekin jokoa eginda, Palestinian Lives Matter izeneko kanpaina abiatu dute.Nazioarteko Atzerri Ministroei eta Estatuburuei Israel ekonomikoki zigortzeko eskatuz sinadura bilketa egiten ari dira. 780.000 bildu dituzte oraingoz.
"Munduko kontzientziarentzat orbaina bilakatu da ikustea Palestinako herria nola tratatzen ari diren. Heldu da mundu guztia zutik jarri eta ekiteko ordua, Israelgo industria gakoei zigorrak ezartzeko, Palestinarren eskubide zibilak erabat bermatu arte. Dei egiten dizuegu lidergo morala hartu eta bizitzak salbatzeko", dio kanpainak.
Israelgo frankotiratzaileek beren lurraldean zeuden 60 pertsonari tiro egin eta hil eta 1.300 zauritu dituztela oroitzen dute. "Palestinarren aurkako Israelgo diktadura militarraren basakeria arrazistaren beste adibide bat da, 50 urtez luzatzen ari den diktadura", diote Avaazetik.
"Nahikoa da, palestinarren bizitzak merezi du. Hegoafrikari ezarritako zigorrek lagundu zuten herritar beltzak Apartheidetik askatzen, mundu osoa Israelentzat zigorrak eskatuz kalera ateratzeko unea da, palestinarren eskubideak bermatu arte".
32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]