Israelgo gobernuak Afrikatik herrialde hartara migratutako milaka pertsonari agindu die 90 eguneko epean herrialdea uzteko; bestela atxilotze egoeran egongo direla jakinarazi diete, mundu osoko hedabideek jaso dutenez. Lehen ministro Benjamin Netanyahuk asteazkenean aurkeztu du plana eta migranteei "infiltratu" deitu die.
"Infiltratuek aukera sinplea daukate: gurekin elkarlanean aritu eta borondatez joan, errespetuz, gizalegez eta legalki; edo eskura dauzkagun tresnak erabili beharko ditugu, legearen baitan onartuak denak. Espero dut gurekin kooperatzea hautatuko dutela", adierazi du Netanyahuk.
Afrikatik joandako 40.000 migrante inguru daudela kalkulatzen dute, gehienak Eritrea eta Sudango guda eta jazarpenetik ihesi joandakoak. Egipton barrena joaten dira orain hamarkada gutxi arte palestinarrena zen lurrera.
Pertsona hauek errefuxiatuak direla aldarrikatzen dute eta urteak dira protestak egiten ari direla Israelgo gobernuak ematen dien tratuaren aurka.
"Sudandarrak joan etxera" oihu artean egindako israeldarren manifestaldiak ere izan dira, azpiko bideoan Tel Aviven egindako bat ikus daiteke.
Hainbestekoa da Gazan droneek eguneroko bizitzan eta iruditegi kolektiboan daukaten eragina ezen hitz propio bat asmatu dutela droneentzat: Zazana. Hitz onomatopeikoa da, gazako dialektoan.
The Drone Eats With Me: A Gaza Diary liburuan (Droneak nirekin jaten du: Gazako... [+]
1950eko hamarkadan, AEBetako armada droneak erabiltzen hasi zen gatazka guneetan zaintza eta errekonozimendu misioetarako. 1994ko uztailaren 3an izan zen Predator dronearen lehen hegaldia, armatuta egon gabe. 1995eko uztailean, Predatorrek Balkanen gainetik egin zuen hegan... [+]
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.