Ane Irazabal

"Islam erradikalaren atzean ideologia politiko bat dago"

  • Jihadismoa eta errefuxiatuen aferak izan zituen aztergai irailaren 5ean Ane Irazabal kazetari arrasatearrak Kulturaten egindako solasaldian. Areto nagusia txiki geratu zen. Errefuxiatuei buruz, Europaren blokeoaren aurrean "laguntza legala eta juridikoa" behar dutela azpimarratu zuen.

Ibai Trebiņo @errusiarzalea  |  Mondraberri @mondraberri
2017ko irailaren 08a
Azken sei urteetan ekialde hurbilean izandako aldaketa politikoek utzitako ondorioak 
aztergai izan zituen atzo Ane Irazabal kazetari arrasatearrak toperaino beteta zegoen Kulturateko areto nagusian. 2011ean ekin zion Irazabalek nazioartean lan egiteari, Egiptoko "udaberri arabiarren bixamona" kubritzen alegia eta ordutik, errefuxiatuen afera edota Gazako gerratik informatzen aritu da besteak beste. Testu inguru horretan, sei urte hauetan ikusitakoa partekatu nahi izan zuen atzokoan, kazetari zein gizatiar ikuspegi batetik.
 
Egun pil-pilean dagoen gaia da yihadismoa, are gehiago Bartzelonako erasoen ondoren, eta atentatuen harira komunikabideek piztutako "alarmismoak" kezka handia sortzen ziola aditzera eman zuen arrasatearrak.
 
Ondoren, Islamaren inguruko azalpenak eman zituen ere, erlijio honetan bi korronte desberdin gailendu direla azpimarratuz; Alde batetik, "Islama bakea dela uste dutenena", hots musulmanen artean gehiengoa dena eta bestalde, Saudi Arabia eta Persiar Golkoko hainbat herrialdek azken urteetan sustatu dutena, wahabismoa eta salafismoa alegia. Azken honen inguruan, "fede erlijioso bat baino, ideologia politiko bat dagoela" azpimarratu zuen kazetariak.
 
 (id: 3363712)
Saudi Arabiak eta bere sokako herrialde batzuek munduan zehar zabaltzen ari duten ideologia "takfiria" zer zen azaldu zuen ere Irazabalek, "musulmanen arteko gerra zabaltzea" helburu duela azpimarratuz. Horrela, Siriako edo Libiako gerran "kanpoko eskuhartzea" egon dela aitortu zuen, Tunez edo Egiptoko 'udaberri arabiarren' "espontaneotasunarekin" alderatuta. 
 
"Errefuxiatuek laguntza legala behar dute"
Ekialde hurbileko hainbat gatazkek utzitako ondorio humanitarioak ere aipatu Irazabalek, izan ere, azken urteetan errefuxiatuen afera jorratu izanak ezagutza maila handia eman dio; FYROM-Macedonia, Serbia edota Grezian, hondamendi humanitarioa bertatik jarraitzeko aukera izan du arrasatearrak, Irak, Afganistan edota Afrikako iparraldetik etorritako etorkinen ondoan. Kazetariak bere ibilbidearen errepasoa egin eta gaiaren inguruan "Europak errefuxiatuen hitzarmena blokeatu duela" ozen salatu zuen. Blokeo honen aurrean, errefuxiatuek "laguntza legala eta juridikoa" behar dutela esan zuen. 
 
Zentzu berean, errefuxiatuen uholdeak arrazismoa sortu du Europan eta horren aurrean batzuen moral bikotza salatu zuen: "Arrazismoa dago, hori bai soilik pobreen aurka". 
 
 (id: 3397128)

 

Kulturate toperaino, inoiz ez bezala

AEDk antolatuta, Jokin Zaitegi gelan egitekoa zen Eneko Azkarate eta Ane Irazabal 
freelance eta berriemaile arrasatearraren arteko elkarrizketa, baino azkenean Kulturateko areto nagusira mugitu behar izan zuten hitzaldia, bertara gerturatu zen jendetza ikusita.  Bartzelonako atentatuen ostean gaiak sorturiko ikusmin handiaren erakusle izan zen Kulturateko Areto Nagusia toperaino bete izana, izan ere, 150 lagunetik gora parte hartu zuten atzoko ekimenean.

 

 

Albiste hau Mondraberrik argitaratu du eta Creative Commons lizentziari esker ekarri dugu.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Errefuxiatu krisi globala kanaletik interesatuko zaizu...
2018-07-13 | Hiruka .eus
Italiako politika "xenofobo hiltzailea" salatuko du aurten Mugak Zabalduz karabanak

Hirugarren urtez segidan, Europako mugetan giza eskubideak urratzen direla salatzeko bat egingo dute Euskal Herriko, Espainiako, Galiziako eta Herrialde Katalanetako 100 erakundek baino gehiagok, uztailaren 13tik 22ra. Hala, aurten, Italiako hiru gune bisitatuko dituzte: Frantziarekiko muga, Sizilia eta Calabria.


2018-07-13 | Estitxu Eizagirre
Hassana Aalia
"Espainiako poliziak errefuxiatuak ere torturatzen ditu, mugetan"

1988an jaioa, Saharan. 2011tik bizi da Euskal Herrian, Bilbon lehenik eta egun Hernanin. Saharar Kontseiluko Giza Eskubideen Komiteko kidea da. Mintzo zaigu bere kasuaz, torturaz, Saharaz, paperik gabe bizitzeaz, gero eta polizialagoa den Europaz...


2018-07-12 | Uriola.eus
Gurutze Gorriak Bilboko migratzaileentzako zentroa lekualdatu du, baina arazoak hor dirauela dio OEEk

Bilbora iritsitako etorkin oldeari aurre egiteko ekainaren 29an irekitako aterpea itxi eta gune berria ireki du Gurutze Gorriak Bilboko beste auzo batean. Migratzaileek gehienez hiru egun igaro ditzakete bertan.


2018-07-05 | ARGIA
OEE plataformak migratzaileei harrera egiteko baliabideak eskatu dizkie instituzioei

Asteazken eta ostegunean Bilboko Udalaren aurrean mobilizatu da plataforma. Erakunde publikoek 48 oheko aterpetxea eskaini dute, eta 40 oheko beste bat promestu.


Xenofobia mugazain

Nazioarteko Errefuxiatuen munduko eguna izan berri da. Munduan barrena herri mugimenduek migratuekiko babes handiagoa eskatu dute, baina egunotako albisteak kontrako norabidean etorri dira.


2018-06-25 | Nahia Ibarzabal
Italiak eta Maltak ehunka etorkinen erreskatea oztopatu dute berriz Mediterraneoan

Joan den asteburuan ere ehunka migratzaile saiatu dia Europako kostaldera iristen. Open Arms Kataluniako Gobernuz Kanpoko Erakundearen Itsasontzi bat haiek laguntzeko saioan ibili da, baina Italiak laguntza ukatu du eta Libiari agindu dio haren itsasontzi batek jasotako ehun bat etorkin berriro Afrikara itzultzeko. EBko agintariak Bruselan egiten ari diren ezohiko goi-bileran ez dira heldu ondorio esanguratsuetara.


Kontzentrazio-esparru erraldoia Europara ihes egin nahi duten migratzaileentzat?

"Zenbat eta urrutiago, hobe" premisapean, Afrika iparraldean edo Balkanetan gune itxi bat altxatu eta zaborra bailiran Europara ihes egin nahi duten migratzaileak bertan kontzentratzea da Europar Batasunaren azken proposamena.


2018-06-20 | Uriola.eus
Mugak Zabalduz karabanak Italiara joko du aurten, errefuxiatuei elkartasuna adierazteko

Gaur Errefuxiatu eta Migratzaileen Nazioarteko Eguna da. Horregatik, Mugak Zabalduz Italiara abiatuko den Karabana aurkeztuko du arratsalde honetan Bilboko Bira Kultura elkartean. Italian "politika xenofobo erailtzaileak eta elkartasunaren kriminalizazioa" salatuko dituzte.


Aquariuseko errefuxiatuekin "legea" aplikatuko dela esan du Grande Marlaskak

Aquarius itsasontziko errefuxiatu batzuk atzerritarren atxikitze zentroetan sartuko dituzte eta litekeena da euren herrialdeetara itzularaztea.


Eguneraketa berriak daude