Iruñeko Udaleko oposizioko alderdiek Mayaren aurka planto egingo dute batzarrean
Iruñeko alkate Enrique Mayak CAN auziarekin duen erlazioa kontuan hartzekoa dela kontsideratu dute udaleko UPNren oposizioko alderdi guztiek, PPNk izan ezik.
Ondorioz, adierazi dute osteguneko batzarrean planto egin eta moziorik ez dutela aurkeztuko.
UPNk oposizioko alderdien jokaera kritikatu du: “Herritarrek alderdi politikoengandik espero dutena lana, ideiak eta kolaborazioa dira; ez egoera desorekatzeko ekintza partidistak”, esan du alderdiak ohar batez. “Planto hau herritarren aurka doa, ez alkatearen aurka”.
Erabakia hartu duten oposizioko alderdiek, bestalde, adierazi dute alkatea CAN auzian inputatua izateak “jarduera politikoa normaltasunez eramateko zailtasuna” eragiten duela.
Aralarreko bozeramaile Aritz Romeok esan duenez, “alkateak hemendik lau egunera CAN auziaren inguruan deklaratu behar duela jakinda, ezin da batzar bat normaltasunez eraman. Iruñeako hiritarrek errespetua merezi dute, eta UPNk ukatu egiten die”.
Bestalde, Ateakireki.com-ek argitaratu duenez, ostegun honetan 19:30etan pitada herrikoia egingo dute Iruñeko udaletxe aurrean, Enrique Maya alkatearen dimisioa eskatuz.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.