Iruñeko Maravillas gaztetxea arriskuan dagoela jakinarazi dute
Orain dela zortzi hilabete pasatxo sartu ziren Iruñeko Alde Zaharreko eraikin batean auzoko zenbait kide, gune autogestionatu bat sortzeko asmoz. Hala ere, Gero Bai-ren jarrera salatu dute, lehenengo minututik bide errepresiboaren aldeko hautua egin duela gaineratuz.
2017ko irailaren 3an okupatu zuten Iruñeko Alde Zaharreko gazte eta herri mugimenduko hainbat kolektibok Marques de Rozalejo jauregia. Sartu eta berehala hasi ziren auzolanaren bidez eraikina moldatzen, erabilera soziala emateko asmoz pixkana-pixkana egokitzen. Gaztetxeko kideek azaldu dutenez, autogestioaren bidez antolatutako ekimen guztiak Alde Zaharrari zein Iruñea osoari eskaintzek gai izan dira.
Hala ere, Gero Bai partidu politikoaren jarrera salatu dute, lehenengo minututik bide errepresioaren hautua egin dutela adieraziz, “autogestio proiektu hau eteteko xedez eta bost pertsonari salaketa jarriz”. Hori dela eta, Nafar Gobernuarekin eztabaida prozesu batean sartzea erabaki zuten, adostasun puntu batera ailegatzeko. Gobernuaren jarrera, ordea, bestelakoa izan zela azaldu dute Maravillas gaztetxekoek: “Eraikinetik alde egin, hondatutakoa ordaindu eta orduan salaketa kentzea proposatu ziguten”.
Nafarroako Gobernuak entzungor egin arren, herri proiektu hau bizirik mantentzeko edozer egiteko prest daudela adierazi dute gaztetxeko kideek; hala ere, gobernuaren jarrera berbera izaten jarraitzen duela nabarmendu dute.
“Eskuin faxistak erabili dituen politika berberak erreproduzitzen dituen gobernuaren aurrean”, aldaketaren alde apustua egiten duten ezkerreko indarrei proiektu hauen defentsa egin dezaten eskatu diete Iruñeko Alde Zaharreko gaztetxeko kideek. Geroa Bai-ri berriz, bide errepresiboa alde batera utzi eta negoziaketetan sar dadin eskatu diote.
Albiste hau Topatuk argitaratu du eta CC-by-sa lizentziari esker ekarri dugu ARGIAra.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.