Udan eskola jantokiak itxiz gero, Iruñeko haur askok ez dutela zer jan izango salatu dute
Iruñeko eskola jantokiek hiriburuko haur guztien elikadura ziurtatu behar dutela adierazi dute Geroa Bai eta PSN alderdiek. Kexu agertu dira udan itxi egiten dituztelako, eta Udalari eskatu diote laguntzak bideratzeko.
Ikastetxeetako ordezkariek eta gizarte eragileek jakinarazi dutenez, haur batzuk gosaltzeke eta hamaiketakorik gabe joaten dira eskolara, familien arazo ekonomikoek behartuta. Ondorioz, ikastetxeko bazkaria da haientzat egunean behin elikadura egokia ziurtaturik izateko modu bakarra.
Udan jantokiak itxi egiten direla-eta, Geroa Bai eta PSN alderdiek Udalari eskatu diote egoera larrienean dauden umeei laguntzeko, ez ekonomikoki bakarrik, baita elikadura egokia bermatuko duten zentroak irekita ere.
"Zoritxarrez, laguntzak lau haizetara iragarri bazituzten ere, oraindik ez da deialdirik egin", salatu du Geroa Baiko zinegotzi Aitor Lakastak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]