Enrique Maya Iruñeko alkateak deklaratuko du gaur Iruñeko Auzitegiko Instrukzioko 3. Epaitegiko Maria Paz Benito epailearen aurrean, Nafarroako Kutxako (CAN) dieten auziagatik.
Mayak, CANeko Erakunde Sortzaileen Batzorde Iraunkorreko kide ohiak, 12.000 euro jaso zituen hiru bileratara joateagatik.
Epaitegiaren aurrean bi elkarretaratze egingo dira, Kontuz! kontsumitzaileen elkarteak deitutakoa batetik, eta alkatearen jardunarekin gustura ez dauden udaltzainena bestetik.
Ostiralean Miguel Sanz Nafarroako presidente ohiak deklaratu zuen. Kontraesan batzuetan erori zen Sanz, eta dieten erantzukizun osoa Alberto Pascual CANeko zuzendari nagusi ohiaren bizkar gainean laga nahi izan zuen, Yolanda Barcina presidentea ere seinalatu zuen arren. Kontuz elkarteak presidente ohiaren deklarazio osoa jarri du sarean kontsultagarri.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.