"Iruña-Veleia" auzian nahikoa delitu zantzu ikusi du epaileak epaiketari ekiteko

  • Ondarearen aurkako delitu zantzuak eta ustezko iruzur zantzuak aurkitu zituen ikerketa fasean epaileak. Erabaki hari errekurtsoa jarri zioten akusatuek, azkenean epaiketa egiteko nahikoa arrazoi daudela ebatzi du epaileak.

Andoni Mikelarena @andonimik
2018ko urtarrilaren 12a
Iruña-Veleian aurkitutako piezetako bat.

2009. urtean hasi zuen “Iruña-Veleia” auziak epaitegietarako bidea. Zortzi urteren ondoren ordea, ez dago oraindik epaiketarako datarik. Orain epaiketa egiteko nahiko zantzu ikusi du epaileak, eta beraz, pauso bat gehiago eman du auziak Arabako I. Instrukzio Epaitegian.

2006ko ekainaren 8an Eliseo Gil arkeologoaren taldeak, “Iruña-Veleian” aurkitutako 400 pieza inguru aurkeztu zituen. Pieza horiek Kristo ondorengo III. mendekoak ziren. Euskarazko idazki sorta bat eta kristautasunaren zabalpenaren inguruko teoriak alda zitzaketen marrazkiak ziren. Ordura arte Euskal Herrian egindako aurkikuntza arkeologikorik handienetakoa zen.

Berehala hasi ziren iruzurraren inguruko ahotsak ugaritzen. Arabako Foru Aldundiak bigarren iritzi bat eskatu zien hainbat ikerlariri. 2008ko azaroaren 19an inskripzioak faltsuak zirela ebatzi zuen batzordeak. Bide judiziala abiatzea erabaki zuen orduan Aldundiak. Gilen taldeak beti ukatu izan du iruzur akusazioa eta aurkikuntzaren egiazkotasuna frogatzeko hainbat ikerketa kaleratu dute.

Eliseo Gil eta Oskar Escribano Sanz arkeologoak eta Ruben Manuel Cerdan fisikari nuklearra akusatuen aulkian eseri beharko dira. Gilen abokatuak errekurtsoa ezarri zuen Arabako auzitegian euren kontrako akusazioaren aurka, epaileak ordea, errekurtsoaren zenbait atal onartu badu ere, epaiketa egiteko nahikoa delitu zantzu daudela ondorioztatu du.

Kanal hauetan artxibatua: Iruña-Veleia auzia  |  Arabako Foru Aldundia

Iruña-Veleia auzia kanaletik interesatuko zaizu...
2017-12-26 | Gontzal Fontaneda
Iruña Veleiazko lau jarrerak

Iruña-Veleiako aztarnategi arkeologikoan idazkun batzuk agertu ziren, batzuk euskaraz, arkeologoek erromatarren garaian datatuak. Euskal Herriko Unibertsitateko aditu batzuek faltsutzat jo zituzten, eta horregatik Arabako Foru Aldundiak 2008an talde arkeologikoa bota zuen, 2009an epaitegian salaketa aurkeztu zuen faltsutzea leporatuz eta gero aztarnategiaren zuzendaritza unibertsitateari eman zion. Honaino gertaerak.


2017-11-21 | Koldo Urrutia
Euskal Filologia ofiziala kolonizatuta al dago?

Azken hamarkadan, hori iradokitzen diguten kontu asko gertatu dira: ETBk bultzatutako euskalduntze berantiarra, toponimiari bizkar ematea, iberiar eta euskal zenbakien arteko erlazioa ukatzea eta 9 urte bete berri duen Iruña-Veleiari egindako erasoa.


Iruña-Veleia, XXI. mendeko Altamira?

“Ikusi duk Altamira? Harri eta zur, mende eta piku pasatu den arren, historia berdin-berdina”, ziostan lagun batek orain dela gutxi. 1879. urtean gaude. Leinu noblekoa da Marcelino Sanz de Sautuola, abokatua ikasketaz, natur zientzia eta arkeologia zalea bokazioz. Udako goiz batez, beste batzuetan bezala, zortzi urteko alaba Maríarekin sartu da Altamirako kobazulora. Aita lanean ari den bitartean, alaba kriseilua hartu eta bazterrak miatzen hasi da. “Aita!... [+]


"Iruña-Veleiako ostrakak egiazkoak izan zein ez, polemikak gure gizartea islatzen du"

2001az geroztik, elkarrekin dabiltza lanean Iratxe Jaio (Markina-Xemein, 1976) eta Klaas van Gorkum (Delft, Herbehereak, 1975) artistak. Azkenaldian zenbait pieza aurkeztu dituzte Euskal Herriko hainbat museotan. Martxoaren 2an Okela Sormen Lantegian izan ziren hizketan. Berbaldiaren aurretik bildu ginen beraiekin.


2017-03-13 | Pako Sudupe
Iruña-Veleiaren misterioa

Hamarkada bat igaro da eta misterioak argitu gabe darrai. Lehenbizikoz sekulako, berealdiko, egundoko aurkikuntza zela entzun genuen; III. IV. V. mende ilunetara argia ekar zezakeen aztarnategia.Handik laster, faltsifikazio nabarmena zela, eskrupulu eta jakituria gabekoek etekina lortzeko egindako faltsifikazio deitoragarri bezain salagarria.


"Irudipena dugu probak, ezkutuan bada ere, eginak daudela eta ez dutela faltsutasunik aurkitu"

Hor da beti Iruña Oka udalerria Arabaren erdi-erdian. Hor da beti Iruña-Veleiako aztarnategi erromatar garaikoa. Hor da beti egiazkoak diren, faltsuak diren, bertan aurkitutako ostraka edo grafitoak. Oinezkoak egia jakin nahi…


2017-01-16 | Urumeako Kronika
Iruña Veleia zertan da?
MULTIMEDIA - solasaldia

Juan Martin Elexpururen hitzaldia Hernanin, Dobera euskara elkarteak antolatuta.


Iruña-Veleia: zuzendariaren aurkako kereila eta kritikoen nazioarteko II. biltzarra

Julio Nuñez EHUko irakasle eta Iruña-Veleiako aztarnategiaren zuzendaria dena apirilaren 23an zen deklaratzekoa Gasteizko Auzitegian, 1. Aretoko epaileak ontzat harturik SOS Iruña-Veleia elkarteak aurkeztutako kereila, Juan Martin Elexpuruk bere blogean azaldu duenez. Juezak erabaki beharko du ea Nuñezek delitua egin zuen 2010eko udan hondeamakina sartuta aztarnategiko 6.000 metro koadro lur harrotzean.


2015-09-30 | Gontzal Fontaneda
Araban badago zikinkeria

Zerbait zikina gertatu da Araban, politikari batzuek beren burua arkeologo, filologo batzuek epaile eta zinemazale batzuek zientzialari jotzen dute eta.


2015-05-13 | Gontzal Fontaneda
Euskadi euskararen aurka?

Arabako Iruina-Veleia aztarnategi arkeologikoan, besteak beste, euskarazko idazkunak dauzkaten pieza batzuk agertu ziren 2005ean. Arkeologoek III-V mendeetakotzat jo zituzten. Euskal Herriko aurkikuntzarik handiena izan arren, Arabako Foru Aldundiak, Euskal Herriko Unibertsitatearen laguntzan, 2008an idazkunak faltsutuak zirela ebatzi eta arkeologoak aztarnategitik bota zituen. Gero 2009an Gasteizko Epaitegian haien aurkako kereila aurkeztu zuen.


Azkenak
EGILEA
Eguneraketa berriak daude