Irun hiriburu berde bihurtuko dute asteburuan Bioterra azokarekin

  • Produktu ekologikoen, bioeraikuntzaren, energia berriztagarrien eta kontsumo arduratsuaren Bioterra azoka antolatu dute ekainaren 6tik 8ra Irungo Ficoban. Asteburu osoan hainbat hitzaldi, erakusketa eta tailer egongo dira.


2014ko ekainaren 06an - 00:00
Azken eguneraketa: 2015-02-26 13:37:33
Ingurumenarekin lotutako hainbat gairi buruz hitz egiteko aukera eskainiko du Bioterrak.

Energetikoki buruaskia den etxe bat bisitatu edota sukaldaritza, biokosmetika eta terapiei buruzko doako erakustaldietara joan ahalko dira azokara hurbiltzen direnak.

Hainbat hitzaldi ere egongo dira asteburu osoan, besteak beste Kutxa Ekoguneko Amaia Otazok kontsumo arduratsuaz eskainiko duena; toxikorik gabe bizitzen erakustea helburu duen Elisabeth Silvestre biologoaren mintzaldia; Greenpeaceko Tatiana Nuñok klima aldaketari buruz eskainiko duena; edo zero zabor paradigma jorratuko duena Joan Marc Simon Zero Waste Europeko zuzendariaren eskutik.

Larunbat arratsaldean protagonismoa moda iraunkorrak hartuko du, gai hori jorratuko duten hainbat hitzaldi egongo baitira.

Eta jarduera praktikoak nahiago dituztenentzat, tailerrak ere eskainiko dira Bioterran, adibidez, etxean konposta egiten ikasteko, edo birziklatzen ikasteko, azken hori txikienenei zuzenduta. Larunbatean eta igandean bizikleta hirian erabiltzeari buruzko doako ikastaroak ere izango dira.


Kanal honetatik interesatuko zaizu: Ekologismoa
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-18 | ARGIA
EH Bizirik elkarretaratze zaratatsura deitu du Europako industria eolikoaren kongresuaren aurrean

Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.


2024-03-12 | Estitxu Eizagirre
Jorge Riechmann
"'Trantsizio energetikoa' lematzat duen bizimodu inperialak ez gaitu infernutik aterako"

Ekologismoa trantsizio energetikoaren dilemen aurrean gaiaz mintzatu da Jorge Riechmann ekologista ezkertiar antikapitalista Gasteizen, Araba Bizirik taldeak antolatuta. Adrián Almazán unibertsitateko irakasle eta Araba Bizirik taldeko kideak gidatu du solasaldia... [+]


2024-03-07 | Estitxu Eizagirre
"Ekologismoa trantsizio energetikoaren dilemen aurrean" gaiaz mintzatuko da Jorge Riechmann Gasteizen

Adrián Almazánek gidatuko duen solasaldian, Madrilgo ekologista ezkertiarra den Jorge Riechmannek bere liburua aurkeztuko du: Ekologismoa, iragana eta oraina (etorkizunari buruzko ideia batzuekin). Araba Bizirik taldeak antolatu duen hitzaldia martxoaren 11n... [+]


Ekologiak hil du baserria

Nekazarien traktore uholdeek hartu dituzte Europako errepideak. Protestan dira. Diru kontuaz gain –sektoreko prekarietatearen adierazgarri betierekoa–, Frantziako Estatuko bi sindikatuk –FNSEA eta Laborari Gazteak– badituzte bestelako eskaerak.


Eguneraketa berriak daude