'Irekia' webgune publikoaren bidez xenofobia elikatzea egotzi dio EH Bilduk Jaurlaritzari

  • EH Bilduk proposamena aurkeztu du Legebiltzarrak Jaurlaritzaren komunikazio kanal ofizialeko arduradun Luis Petrikorena gaitzetsi dezan, inkesta batean "iritzi xenofoboak sustatzeagatik". Azalpenak eskatu dizkio Petrikorenari berari eta Josu Erkoreka sailburuari.


2016ko apirilaren 18an - 19:27
Igor Lopez de Munain EH Bilduko legebiltzarkideak "arrazista" eta "klasista" iritzi die Irekia webgunean publikatutako inkestako galderei.

Jaurlaritzak Irekia atari digitalean azken egunotan egindako inkesta batek xenofobia eta arrazakeria elikatu duelako "asaldaturik", EH Bilduk legez besteko proposamena aurkeztu du Legebiltzarrean "onartezina delako Urkulluren Gobernuak etorkinen eskubideak mugatzearen aldeko mezua zabaltzen laguntzea", Igor Lopez de Munain legebiltzarkideak salatu duenez.

Lopez de Munainen ustez, "izaera arrazista eta klasista" dute egindako galderek eta, beraz, "lekuz eta denboraz kanpo" daude, "Euskal Herrian bizi eta lan egiten duten atzerritarren eskubideak mugatzearen aldeko iritziak elikatzea dakarrelako". Horren haritik, legebiltzarkide abertzaleak Europako talde ultraeskuindar batzuen diskurtsora gerturatzea leporatu dio Lakuako Gobernuari. "Javier Maroto Gasteizko alkate ohiaren mezu xenofoboak erabateko gaitzespen politikoa jaso zuen duela hilabete batzuk, baina orain Jaurlaritza da diskurtso hori zabaltzen ari dena; Europan politika ultrakontserbadoreak askatasunak eta bizikidetza arriskuan jartzen ari diren honetan, oso larria da Urkulluren Gobernuak kanpaina horiekin bat egitea".

Hori dela eta, EH Bilduk Josu Erkoreka sailburuaren eta Luis Petrikorena Irekia atari digitaleko arduradunaren agerraldiak eskatu ditu Legebiltzarrean, inkesta horren inguruko azalpenak eman ditzaten.

Halaber, legez besteko proposamen baten bitartez, koalizioak Jaurlaritzari eskatu dio "zuzenketa publikoa egiteko eta Petrikorena gaitzesteko, gertatutakoa oso larria delakoan". EH Bilduk uste du Parlamentuak "irmoki gaitzetsi behar duela" Gobernuaren atari digitalari eman zaion erabilera, "jendartean iritzi arrazista, xenofobo eta klasistak sustatzeagatik". Azkenik, EH Bilduk proposatzen du Eusko Jaurlaritzak "giza eskubideak, bizikidetza eta berdintasuna sustatzeko prestakuntza indartu dezala" bere pertsonalean.


Kanal honetatik interesatuko zaizu: EH Bildu
Non dago ezker abertzalea?

Euskal Herrian eta Europan bizi den euskal herritar bat naiz.

Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]


Beste emakume batek salaketa jarri du, Ertzaintzak Donostian egindako kargetan zauritu zutelako

Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Joseba Asiron, Iruñeko alkatea
"Iruñeko edozein auzotan haurrak euskaraz ikasteko aukera izatea, hori da legealdirako helburua”

2015-2019ko legealdian Iruñeko alkate izan ondoren, bigarrengoz errepikatzen du alkatetzan, ezker abertzaleak Iruñeko udal hauteskundeetan inoiz izandako emaitzarik onenaren ondoren, eta PSNrekin lotutako zentsura mozioaren eskutik. Abagunea ona dela dio, baina... [+]


Euskarazko kultura eskaintzak erdaldunak diskriminatzen dituela dio Eguesibarreko UPNko alkateak

Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.


Eguneraketa berriak daude