Irailean zabalduko dute berriz Sestaoko ACB altzairutegia

  • Lehen baino lan karga txikiagoa izango dute, asteburuetan bakarrik arituta. Aurrerantzean, ikerketa, garapena eta berrikuntzaren alorrari garrantzi handiagoa emango diola esan du enpresak.


2016ko abuztuaren 23an - 12:11
Arcelorrek Sestaon duen ACB altzairutegia. [Argazkia: ukberri.net CC-BY]

Arcelorrek Sestaon duen ACB altzairutegiak badu berrirekiera data: datorren irailaren 9a. Ostiralez zabaltzeak badu bere arrazoia: oraingoz, asteburuetan soilik egingo dute lan bertan. Hala, urteko gaitasunaren %14,4 soilik ekoitziko dute, Berriak argitaratu duenez.

Hasiera batean, 12 orduko lanaldiak egingo dituzte 140 langilek. Gehienez ere, “altzairu berezien” 12.000 tona ekoitziko dituzte hilabetean. Horrez gain, ikerketa, garapena eta berrikuntza landuko ditu Arcelorrek, Zamudioko I+G zentroa Sestaora lekualdatuta: labeen abantaila teknologikoak probestuko dituzte han.

Lantegia berriz zabaltzeko “beharginek egindako esfortzua” azpimarratu dute jabeek. Ekainean langileen erdiak kaleratzea onartu zuten, beste erdiak lanean jarraitu ahal izateko. Haien esanetan, lantegia martxan jartzea langile kopurua handitzeko “lehen pausoa” da. Hala, “begi onez” ikusi dute irekiera, baina zuhurtziaz jokatuko dutela argi utzita.

Jaurlaritza, pozarren

Eusko Jaurlaritza ere gustura dago ACB altzairutegia berriz zabalduko delako: “Hilabeteotan landu eta eskatzen aritutako agertokia” dela azaldu dute bertako iturriek. Arantza Tapia sailburuak asteartean egingo du balorazio ofiziala, eta negoziazioen inguruko xehetasunak ematea espero da.


Kanal honetatik interesatuko zaizu: Industria
2024-03-24 | Nicolas Goñi
CO2a atmosferatik kentzeko ingeniaritza: lurra ustiatzen segitzeko aitzakia?

Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]


Israelgo Armada hornitzen duten petrolio konpainiak, gerra krimenen konplize?

Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.


2024-03-18 | ARGIA
EH Bizirik elkarretaratze zaratatsura deitu du Europako industria eolikoaren kongresuaren aurrean

Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.


Menopausia medikalitzatzeko arriskuaz ohartarazi du The Lancet aldizkariak

Martxoaren 8aren atarian, menopausiari buruzko artikulu-sorta bat argitaratu du The Lancet medikuntzan espezializatutako aldizkariak. Laburpenean gogorarazi duenez, menopausia munduko populazioaren erdiaren bizitzaren etapa saihestezina da, baina esperientziak asko aldatzen dira... [+]


Eguneraketa berriak daude