Irailaren 25ean izango dira Eusko Legebiltzarrerako hauteskundeak
Araba, Bizkaia eta Gipuzkoan hauteskundeak irailaren 25erako deitu ditu Iñigo Urkullu lehendakariak. Espainiako blokeo politikoa ikusita, aparte egitea hobetsi dute.
Iñigo Urkullu artxiboko argazki batean.
Lehendakariak adierazi du "ongi gogoetatutako" erabakia izan dela eta hautatutako data dela "herriaren interesentzat egokiena".
Hiru arrazoirekin justifikatu du data hori: Lakuak Gobernu programa bete duela, Gasteizko Legebiltzarrak bere ekinbidea amaitu duela eta "Espainiako agertoki politikoaren ezegonkortasuna".