Iparraldeko gizartearen aburua
Ipar Euskal Herriko gizarte eragileek Euskal Herria Elkargo Bakarraren aldeko hautua berretsi dute, Garapen Kontseiluak ezagutzera eman duen txostenaren bitartez.
Ipar Euskal Herriko Garapen Kontseiluak herriarteko lankidetzako departamendu eskema aurkeztu du. Ipar Euskal Herri mailako HELEP (Herrien Elkargoa) bakarraren sortze proiektua kontuan hartu du eta berau osatzeko bitartekoak aurkeztu ere.
Txostenean 50 ekarpen baino gehiago bildu dira. Gizarteko elkarteek landutako gaiek osatuta dago eta gizartearen beharren adierazleak dira. Gaiek gizartearen saretze eta uztartze beharra agertu dute, eta hori egin ahal izateko egitura bakarra eraikitzearen premia. Oroitarazi behar da, gizarteko eragileak Garapen Kontseiluko kideak direla.
Garapen Kontseiluaren iritzia Euskal Kosta-Aturri hirigunea Elkargo bakarraren kontra agertu den astean heldu da.
Iragan astelehenean Euskal Kosta-Aturri hiriguneko hautetsiek beren jarrera eman zuten ezagutzera. Hautetsi horietatik 22 elkargo bakarraren aurka agertu ziren, aldeko hamar boto eta abstentzio bat izan ziren bestalde.
Aldeko jarrera argia erakutsi zuten besteak beste: Colette Capdevielle Baionako hautetsiak –Frantziako diputatu sozialista– hiri bereko Martine Bisautak, Max Brisson Miarritzekoak, Jean Rene Etxegarai Baionako auzapez eta Euskal Kosta-Aturriko buruak eta Peio Claverie Miarritzeko hautetsi abertzaleak. Aurka bozkatuko zutenen artean daude Claude Olive Angeluko auzapeza, Emmanuel Alzuri Bidartekoa, Michel Veunac Miarritzekoa eta Francis Gonzalez Bokalekoa.
Ipar Euskal Herriko 158 herrietatik 30ek eman dute iritzia orain arte: 23 herrik alde eta zazpik kontra. Gainerako herriek azaroaren amaierarako eman behar dute berea.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
Mende erdia bete da Enbata legez kanpo ezarri zutenetik. Frantziako gobernuak Enbatak Hego Euskal Herriko ETA erakunde armatuarekin zuen balizko lotura ezarri zuen estakuru bezala. Horren ondorioz,Ipar Euskal Herriko lehen mugimendu abertzalearen azken kideak HAS Herriko Alderdi... [+]
Berrogei urte bete dira GALek aldarrikatu lehen hilketatik. 1983ko abenduaren 19an Ramon Oñaederra ‘Kattu’ 23 urteko errefuxiatua hil zuen talde parapolizial horrek Baionako Bourgneuf karrikako Kayetenia ostatuan. Gertakari hori mugarria izan zen, hor abiatuko... [+]
Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.
Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu... [+]