Ipar Euskal Herrira bazatozte, Euskoa erabili!

  • Gipuzkoako, Arabako eta Nafarroako herritar usu Ipar Euskal Herrira hurbiltzen dira, bisitan edo opor laburrak igarotzeko. Deiadar egin nahi diegu: “Ipar Euskal Herrira bazatozte, zuek ere izan aktore eta eragin euskoa erabiliz!”.

Sebas Christy
2016ko azaroaren 28a

Guztiek eusko dinamikan parte hartu ahal izateko, joan den ekainean Euskal Monetak “Bisitariak ekintza” deituriko ekimena bultzatu zuen. Esperimentazio moduan abiaturiko ekintza horren xede nagusia, Euskoa, ekonomia birtokiratzeko, euskara sustatzeko eta praktika ekologiko eta sozialagoak bultzatzeko tresna eraginkorra dela, eta Euskal Herritar guztientzat erabiltzeko erraza dela ohartaraztea da.

Izan ere, euskoa ez da tresna sinboliko bat, gizarte mailan, guztiok erabiltzeko urratsa ematen badugu, bai tokiko ekonomian, bai euskararen presentzia publikoan, baita inguramenean, eta, elkarteenganako elkartasunean eragin zuzena eta eraginkorra izan dezakeen zerbait da.

Nahiz eta Ipar Euskal Herrian soilik funtzionatu, Euskal Monetak kontsideratzen du, euskoa Euskal Herriko moneta dela, eta Euskal Herritar guztien eskura dagoela. Bizkaiko, Gipuzkoako, Arabako eta Nafarroako herritar asko urtean behin baino gehiagotan Ipar Euskal Herrira hurbiltzen dira, bisitan edo opor laburrak igarotzeko. Bisitari ekintza horrekin deiadar egin nahi izan diegu, “Ipar Euskal Herrira bazatozte, zuek ere izan aktore, eta eragin euskoa erabiliz!” erranez.

Gaur egun, hiru mila erabiltzaile inguru, bostehun komertzio eta enpresa eta ehun eta berrogei eta hamar elkarte baino gehiagok egin dute bat eusko proiektuarekin Ipar Euskal Herrian, sare sendo bat osatuz. Bihar Hegoaldeko zein Iparraldeko herritar guztiak proiektuari lotzen badira, euskoa indartuko da, eta bide horretatik, bultzatu nahi duen gizarte proiektua ere bai.

Bisitariak ekintza zer da?

Leku jakin batzuetan (komertzioak edo Turismo bulegoak) 20 edo 50 euskoko gutun azalak daude. Gutun azal horietan, behin bakarrik erabili daitekeen 2 euroko behingo eusko kide txartel bat, 18 edo 48 eusko eta, euskoa zer den jakiteko azalpenak ematen dituen dokumentu bat daude.

Norberak, gutun azal horretan dauzkan euskoak euskoa hartzen dituzten komertzioetan edo laborariekin (Eusko aurkibideak saltegietan aurkituko ditu laguntzeko) baliatuko dituelarik euskoa erabiltzeko zein erraza den ikusiko du, eta, biharko egunean, nahi izanez gero, aldagune batetara joanez edo euskalmoneta.org webgunean eusko elkartera kidetzen ahalko da 10 euroren truke nahi dituen eusko guztiak baliatu ahal izateko.

Jakin behar da, euskoaren erreserba fondoa (trukatuak izan diren euro guztiak biltzen dituen fondoa) Caisse Solidaire (Elkartasun Kutxa) deitu kutxan sartua dela, eta Ipar Euskal Herriko elkarte eta enpresentzat maileguak egiteko baliatzen dela! Jakin behar da ere, euskotan trukatua den euro bakoitzari esker Ipar Euskal Herriko elkarte batek diru laguntza eskuratu dezakeela Euskal Monetak emanik! Jakin behar da azkenik ere, euskoan engaiatzen diren enpresa eta komertzio guztiak euskararen sustapenaren alde engaiatzen direla!

Beraz, proiektu honetan engaiatzeko arrazoiak anitzak dira, eta, euskoak, ekonomian, gizartean eta euskararen presentzian duen eragina indartzeko guztion beharra du!

Eusko bisitariak ekimenean parte hartzen duten komertzioen zerrenda:

Hendaiako Turismo bulegoa.

Ezpeletako Turismo bulegoa.

Donapaleuko Turismo Bulegoa.

Mama tabako-prentsa saltegia Saran.

Kikeran kafe saltzailea Donibane Lohizune.

Maitenia ostatu jatetxea Ziburun.

Bodega Pil-Pil ostatua Kanbon.

Xoko Ona ostatua Azkainen.

Bodega Pil Pil Kanbo.

Baiona (Espainia karrikan) Terre d'Orient edo Baionakoa.

Donibane Garazi.

Atharratze.

Xebax Christy, Euskal Monetako lehendakaria

Kanal hauetan artxibatua: Iritzia  |  Moneta politika

Iritzia kanaletik interesatuko zaizu...
#M25KoloreBizia

Stop racial segregation oihukatu ahal dute Ipar Karolinako eskoletan, edo Brusela, Paris, London, Sofia, Madril, Girona, Basauri, Atarrabia, Arrasate, Baiona eta Gasteizkoetan. Gure hiriko kasuan guraso etorkinak dituzten umeen %83,1 sare publikoan ari da ikasten, bai eta, baliabide ekonomiko gutxiago duten familia gehienak ere. Badira gaur egun zenbait eskola umeen %100 familia etorkinen umeak dituztenak, eta beste hainbatek bide bera hartu dute. Gasteiz #Whitecapital ez da soilik neguko... [+]


Akordioak eta urardotzea

Hona behin eta berriro entzuten dugun mantra: “Politika akordioetara iristea da”. Nire uste apalean, kalte izugarria egiten du. Izatekotan, honako honetan bihurtu da politika: printzipioen salerosketarako azoka.


Qué pone en tu DNI

Afera dagoeneko ez da Espainiako Estatuaren “problema territoriala” konpondu nahi izatea arazoa bera ukatuz, askoz harago joan da Rivera, problema guztiak ukatuz, baina ez munduaren mundutasun globalean urtuz, baizik eta bandera nazionalarekin urkatuz.


Zabalgarbira? Badaukagu erraustegia Añorgan

Zabalgarbira? Ez, eskerrik asko. Ez opa gure zaborren dioxinarik Bizkaiko haurrei, ez pasatu bizkaitarrei hondakinekiko gure jokabide okerragatik geuri eta geure seme-alaba eta bilobei dagozkigun minbizi eta malformazioak.


2018-05-21 | Gontzal Fontaneda
Iruña-Veleiaren auziak epaiketa izatea ez da zentzuzkoa

Bederatzi urteko itxaronaldiaren ondoan Iruña-Veleiaren auziak epaiketa izango omen du. Ez da zentzuzkoa. Auzitegiak ea Eliseo Gilek grafitoak faltsutu zuenetz ebatzi nahi badu, lehendabizi jakin behar du grafitoak faltsuak diren ala ez. Horretarako, grafito horiek aztertu behar dira noiz grabatu ziren erabakitzeko. Inork ere ez du horrelako azterketarik egin.


Zuek zarete terroristak

Pasa den ostegunean Espainiako Audientzia Nazionalak hamarnaka preso politiko ohiren kontu korronte eta ondasunen aurkako operazioa abiatu zuen. Dirua, autoak eta higiezinak bahitu zituen eta pertsona askoren bizitza izorratzeko urrats errepresibo handia eman zuen (operazio honen barnean daudenena eta etorkizunekoetan egongo direnena).


2018-05-20 | June Fernandez
Iraultza

Poztu ninduen Madrilen Nikaraguarekiko elkartasun ekitaldi bat antolatu zutela jakiteak. Bilbon egindako lehenengo elkarretaratzean, nire neskalaguna eta biok izan ezik, Moyua plazara hurbildutako guztiak Nikaraguako etorkinak ziren. Ekitaldi horretan abestu behar zuen musikari ezkertiar baten sare sozialen bidez jakin nuen. Pozaren ondoren jarraian amorrua sentitu nuen, musikari honen lagun batek utzitako iruzkina irakurrita: “Indarkeria bakarra inperialismoak finantzatzen duena da... [+]


2018-05-20 | Eneko Gorri
Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren jazarpenari erantzuteko. Lapurdi, Baxenabarre eta Zuberoko 36 ikastolak alerta gorrian dira. Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean. 25 irakasle postu berri... [+]


2018-05-20 | Iñaki Barcena
Petronor noiz arte?

Petrohorror ezizena jarri zioten Athleticen kamisetan publizitatea egiten hasi zirenean 2008. urtean. Urtero bi milioi euro sartzen zituzten zurigorrien aurrekontuan, sei urte jarraian eta denak pozik, antza, ekologistak salbu.  Baina urte oparoak bukatu ziren 2013an koke planta martxan jartzearekin batera, petrolio birfindegira zorrak etorri baitziren bi urtez jarraian. Batzuen ustez, 750 milioi euroko inbertsioaren ordaina zen. Beste batzuen ustez aldiz, gaurko sistema ekonomikoan... [+]


Azkenak
EGILEA
Eguneraketa berriak daude