Ipar Euskal Herriko 40 hautagai AHTren kontra agertu dira
Ingurumenaren Aldeko Taldeen Batzordeak, CADEk, Abiadura Handiko Trenari buruz duten iritzia galdetu die Ipar Euskal Herriko herriko bozetako hautagaiei.
Bi galdera egin dizkie bozei begira dauden hautagaiei: herri hauteskundeetara aurkezten den zerrenda bakoitza AHTren alde edo aurka ote dagoen, eta eginda dauden trenbideak egokitzearen inguruan zer iritzi duten.
Jada 40 zerrenda inguruk eman dute erantzuna. Gehienak AHTaren aurka eta trenbideak egokitzearen alde azaldu dira.
Ficoban elkarretaratzea
Abiadura Handiko Trenanaren kontrako elkarretaratzea egin dute ostegunean Irungo Ficoban.
Protestak baliatu nahi izan du Irunen egin den tren azkarrari buruzko informazio jardunaldi instituzionala. Izan ere, Ficoban egon dira, besteak beste, Eusko Jaurlaritzako Garraio Plangintzako zuzendaria eta Akitania-Euskadi Euro-eskualdeko zuzendaria.
Bilkurako gai nagusia Abiadura Handiko Trena izanik, antolatzaileek elkarretaratze "zaratatsua" deitu dute erakustazoka parean.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]