Ipar Euskal Herriko Ingurumenaren Aldeko Elkarteen Kolektiboak (CADE) itsasoko uraren egoeraren gaineko txostena aurkeztu du. Uretan koipe eta garbigarrien arteko nahasketaz ohartarazi du dokumentuak.
Uraren kalitate eskasa ingurumenarentzat, itsasoko ekosistemarentzat, igerilarientzat eta surflarientzat kaltegarria dela salatu dute ekologistek. Eta analisi gehiago egiteko eskatu dute.
CADEk adierazi duenez hondartzak sarriago aztertu behar lirateke, izan ere, bainu denboraldiko 20 analisi egiten dira hondartza bakoitzean.
Horrez gain, euri jasengatik hondartzak ixten direnean ez da uraren kalitatea neurtzeko frogarik egiten, kutsadura tasa handiena egoteko arrisku gehien dagoenean, hain zuzen.
2013an aurreko urteetan baino egun gehiagotan itxi dituzte Lapurdiko hondartzak. Maiatzetik irailera bitartean 26 egunetan debekatu da Zokoan bainu hartzea, Bidarten 25etan eta Biarritzeko Ilbarritz hondartzan berriz, 21 egunetan.
Itxiera horrek ez du zertan uraren kutsadurarengatik izan, baina faktore garrantzitsua izan daitekeela ohartarazi dute CADEko kideek.
Ekologisten iritziz euriaren urak jasotzeko depositu sistema da itsasoko uraren egoeraren eragile nagusia. Izan ere, aurtengoak bezalako urte euritsuetan itsasoan isurtzen dira edukiontzi handietan kabitzen ez diren urak.
Bestalde, Uhabiako bokaleko erretentzio sistemak 12 milioi euroko kostua izan zuela gogorarazi dute, eta bistan denez ez duela “esperotako emaitza eman.” Hori dela eta, euri ura kudeatzeko bide berriak bilatzeko exijitu diete arduradunei.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]