Zurrumurruek zioten moduan, izen hori du Apple etxeak aurkeztu duen tablet euskarriko ordenagailuak. 680 gramo pisatzen du, eta 9,7 hazbeteko pantaila dauka. Besteak beste aukera ematen du Interneten wifi bidez nabigatzeko, liburu elektroniko zein egunkariak irakurtzeko, on-line jokoetan aritzeko, musika eta bideoak jaitsi eta kudeatzeko, filmak ikusteko... iPhone telefonoaren aplikazio guztiak ere eskainiko ditu. Steve Jobs Apple etxeko kontseilari delegatuaren hitzetan, netbook ordenagailu nanoetatik haratago doa. Telefono adimendunaren eta ordenagailu eramangarriaren artean kokatu du. AEBetan hilabete barru jarriko dute iPad ordenagailua salgai, 500 eta 700 dolar artean, memoria gaitasunaren arabera. 3G-ko konexioagatik 130 dolar gehiago ordaindu beharko dira. Euskal Herrira beranduago helduko da.