Inplosio arriskua independentisten artean, inbestidura saioa atzeratu ostean

  • ERCk “aldebakarreko” erabakia hartu zuen inbestidura saioa atzeratzeko. JxCAT eta CUPi ez zaie gustatu errepublikanoen erabakia eta azken asteetan ezkutuan eraman dituzten eztabaidak azaleratu dira.

Andoni Mikelarena @andonimik
2018ko urtarrilaren 31
Arg: Jordi Borràs

Goizean goiz Kataluniako Telebista publikoak eman zuen albistearen berri, Junts Per Catalunya, ERC eta CUPek akordio bat izenpetu zuten, distantziara bada ere, Carles Puigdemont Kataluniako Presidente inbestitzeko. Denbora gutxi iraun zuen ordea “ilusio” hark. Inork espero ez zuen prentsaurrekoa deitu zuen Roger Torrent Kataluniako parlamentuko presidenteak hamarrak alderako.

Atera zen prentsaurrera, diskurtso zorrotzarekin ekin zion ERCko kideak, “ez Sorayak ez eta Konstituzio Auzitegiak ez dute erabakiko nor izango den Kataluniako Presidentea”. “Puigdemont da mahai gainean dagoen aukera bakarra”, adierazi zuen parlamentari gazteak. Ondoren zetorren albiste garratza gozatu nahi zuen, baina orduan eman zuen inork espero ez zuen titularra, “inbestidura saioa atzeratuko dut”, Konstituzioa Auzitegiak alegazioak ebatzi bitartean.  

Albisteak sorpresaz harrapatu zituen JxCAT eta CUPeko kideak. Torrentek ez zien bere erabakiaren berri eman publiko egin aurretik gainontzeko alderdi independentistei, ez eta mahaiko kideei ere. JxCAT eta CUPek inbestidura saioarekin aurrera jarraitzeko eskatu zioten, Torrentek ordea ez zien jaramonik egin. 15:00ak heldu ziren, inbestidura saioa hasi behar zuen ordua. Parlamentuko aretoan lau aulki baino ez zeuden beteta, CUPeko parlamentariek saiora joatea erabaki baitzuten.

Roger Torrentek bere agerraldian itzalean geratu den ideia bat plazaratu zuen: "Diputatuen gehiengoak Puigdemonten hautagaitzari eusten dioten heinean ez dut beste hautagairik proposatuko". Kargua hartu zuenean argi adierazi zuen Torrentek bera ez zegoela prest kartzelara joateko. Puigdemont inbestitzeak Konstituzio Auzitegiaren erabakiak desobeditzea dakar nahitaez, beraz hautagaia aldatzea da aukera legal bakarra. Auzi hori azken asteetan ERC eta JxCATen arteko dema bihurtu da eta atzo ikustarazi zen orain arte ezkutuan mantendu duten korapiloa. Torrentek korapilo hori askatzeko epea luzatu du.

Puigdemonten mezua

Gaueko zortziak aldera bideo bidez mezu bat helarazi zuen Carles Puigdemontek, batasun mezua, baina eskari argiak barnebiltzen zituena. Bideo hori presidente izendatu ondoren egin behar zukeela esanez hasi zuen hitzartzea presidente legitimoak, Torrenten erabakia errespetatzen zuela gaineratu zuen ondoren. “Ni naiz aritmetikoki inbestitzeko aukera duen hautagai bakarra” ondorioztatu zuen Puigdemontek.  

Kaleak errepublika eske

Iraileko haizeak itzuli ziren bart berriz ere Bartzelonako kaleetara. ANC eta Omnium Cultural elkarteek mobilizazioa deitua zuten inbestidura saioa jarraitu eta parlamentuaren erabakiak babesteko. Azkenean, ordea, bestelako izaera hartu zuen mobilizazioak. Milaka herritar, Puigdemonten karetak aldean zituztela, inbestidura saioaren eske atera ziren kalera. Tentsio uneak ere bizi izan ziren manifestariek Poliziaren katea hautsi eta parlamentuko kanpoaldeak hartu zituztenean. Iluntzean CDRek kanpaldia hasi zuten, euren esanetan “presidentea inbestitu arte”, azkenean goizaldean bertan behera uztea erabaki dute.

Oposizioa gustura

Atzokoa, ordea, ez zen soilik aurpegi triste eta haserreen eguna izan. Espainiako Gobernuak gustura hartu zuen Torrenten erabakia, baita Kataluniako parlamentuko alderdi Espainiazaleek ere. Ciudadanosen aurka egiteko baliatu zuen aukera PPren buruak. Ines Arrimadasi eskatu zion pauso bat aurrera eman dezala, finean bera izan baita hauteskundeak irabazi dituena. Puigdemontek ongi zioen bezala ordea, “aritmetika” ez dute aldeko alderdi konstituzionalistek.


Katalunia independentziarantz kanaletik interesatuko zaizu...
Espainiako Gobernuak ez du ordezkaritzarik bidaliko Quim Torraren kargu-hartze ekitaldira

Espainiako Gobernua ez da joango Quim Torra Kataluniako presidente egingo duten ekitaldira, argudiatuz Kataluniako Gobernutik “gobernu ordezkaritza baten maila inposatu”  nahi dietela eta “Generalitateak antolatutako ekitaldiak instituzioaren duintasuna degradatzen duela”.


2018-05-16 | ARGIA
Belgikak atzera bota du Serret, Comín eta Puig Espainiaratzea

Belgikako fiskaltzak eskatu dio Kontseiluaren Ganbera auzitegiari ez dezala aintzat hartu Auzitegi Goreneko Pablo Llarenak hiru agintari katalanak Espainiaratzeko euroagindua. Kontseiluko epaileak onartu egin du eskaera.


2018-05-14 | ARGIA
Quim Torra Kataluniako Generalitateko 131. president izendatu dute, CUPen abstentzioari esker

Quim Torra Kataluniako bihurtu da astelehenean, 14, Kataluniako 131. lehendakari. Estatuak banan bana ezabatu ostean hauteskundeetan garaile ateratako Junts per Catalunyak aurkeztutako aurreko hiru hautagaiak – Carles Puigdemont, Jordi Sanchez eta Jordi Turull – azkenean JxCat eta ERCk lortu dute beren botoekin eta CUPeko lau diputaturen abstentzioari esker Kataluniako legebiltzarrak lortu du Generalitateko lehendakaria izendatzea.


2018-05-14 | Miren Osa Galdona
Aitortza eta maitasun hitzak adierazi dizkio Ibarretxek Puigdemonti, eskutitz bidez

Juan Jose Ibarretxe Eusko Jaurlaritzako lehendakari ohiak eskutitz publikoa idatzi dio Carles Puigdemont Kataluniako presidente kargugabetuari.


Quim Torra izango da Kataluniako presidente berria

JxCat-eko diputatu ohi Quim Torra proposatu du Carles Puigdemontek Generalitateko presidente izateko. JxCat-en eta ERCren 66 botoekin inbestituko dute ezustekorik ezean. Hortaz, eta Espainiako Estatuak oztoporik jartzen ez badu, Torra datorren astean bilakatuko da Kataluniako presidente. Inbestidurako laugarren presidentegaia da; Carles Puigdemont, Jordi Sànchez eta Jordi Turull-en atzetik.


2018-05-06 | Reyes Ilintxeta
Jaume Roures, ikus-entzunezkoen magnate ezkertiarra
"Urriaren 1ean gertatu zenaren irudiak mundu guztiak ikusi ditu, eta nolabait, niri leporatzen didate"

Jaume Roures produktore katalana eta Lluís Llach Iruñera etorri ziren martxoaren bukaeran La revolta permanent filma aurkeztera, Sanfermines 78 Gogoan ekimenak gonbidatuta. Otsailean, Guardia Zibilak Llarena epaileari emaniko txosten batean procés-eko “elementu ezinbestekotzat” jotzen dute Mediapro ikus-entzunezko edukien ekoiztetxe erraldoiaren jabea. Bere ustez, urriaren 1eko errepresioaren irudiak mundu osora zabaldu zituen nazioarteko prentsa gunea antolatu... [+]


Ramón Font, USTEC hezkuntza sindikatu katalaneko bozeramailea
"Argitalpenak banatu ditugu irakasleei jakinarazteko ikasgelan politikaz hitz egin daitekeela"

Gorroto-delituagatik inputatuta dauden irakasleez, doktrinamendu salaketez, 155ak Kataluniako eskoletan utzi dituen ondorioez, nazio identitatean hezkuntzak duen rolaz… mintzatu gara Ramón Font irakasle eta USTEC hezkuntza sindikatu katalaneko bozeramailearekin.


2018-04-29 | Edu Zelaieta Anta
Lotsaz eta larderiaz

Badu euskarak begirunea eta beldurra era naturalean uztartzen dituen hitz bat: larderia. Izan ere, eremuaren edota hiztunaren arabera, beldurrarekin edo begirunearekin lotuago egon daiteke. Nolanahi ere den, badirudi larderiak, hitza ongi erabilita bederen, betiere nagusitasuna adierazten duela. Nagusitasuna, baina, modu positiboan edo negatiboan uler daiteke, beste hamaika kontu bezalaxe.

Bestalde, lotsa handirik erakutsi gabe, lotsa bera da batzuetan larderiatik hurbilxko egon daitekeen... [+]


2018-04-24 | Sustatu
Sant Esteve de les Roures (edo Doneztebe-Hariztieta), fikziozko herri independentista katalana

Guardia Zibilaren txosten batean agertu zen, martxoan, Sant Esteve de les Roures herri katalana. El Mundo egunkariak jaso zuen albistea, Guardia Zibilak 315 ekintza biolento ziurtatu zizkiola Auzitegi Gorenari, horietako batzuk, bereziki larriak, aipaturiko herrian. Baina Sant Esteve de les Roures ez da existitzen. Asmatutako herria da... edo izan da, orain Interneten bizi-bizi baitago, Twitterreko hainbat konturen bidez bizia hartu du herriak.


Eguneraketa berriak daude