2012ko apirilaren 5ean Ertzaintzak jaurtitako pilotakada batek Iñigo Cabacas jo zuen Bilbon, eta hark eragindako zaurien ondorioz hil zen, lau egun beranduago. Data hura gogoan, senide eta lagunek omenaldia eskainiko diote larunbatean. Beste hainbat ekimen ere antolatu dute egunotan.
Omenaldia 13:30ean egingo dute Kirruli plazan, Cabacasek pilotakada jaso zuen lekuan, "Inpunitaterik ez, 6 urte justiziarik gabe" lemapean. Hain justu, Cabacas oroitzearekin batera, gertatutako argitzeko dauden oztopoak salatzea dute helburu haren senide eta lagunek.
Zentzu horretan, gaur, osteguna, La cifra negra de la violencia institucional (Indarkeria instituzionalaren zifra beltza) dokumentala estreinatuko da Bilbon, 19:15ean Bilborocken. Ondoren solasaldia egingo da. Espainiako Estatuko funtzionari publikoen eskutik tortura eta tratu txarrak pairatu dituzten 30 lagunen testigantzak jaso dituzte dokumental horretan.
Ostiralean, bestalde, gomazko piloten herri-eskaintza egingo du Iñigo Cabacas Herri Ekimenak, Bilboko Justizia Jauregian 19:00etan.
Cabacasen senide eta lagunek egindako bideoa, heriotzaren seigarren urteurrenean:
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]