Ingurumenaren aurkako delitu gehienak ez dira zigortzen EAEn, dio EH Bilduk

  • EH Bilduren ekimenez, hainbat adituren agerraldiak izango dira datozen asteetan Eusko Legebiltzarrean, ingurumen-delituen portzentaje handi bat –“gehienak”, Mikel Otero legebiltzarkidearen esanetan– zigorrik gabe geratzeko arrazoiak aztertzeko.

Legez kanpo hildako koartza bat, Hernanin. (Arg.: Eguzki)

2017ko azaroaren 15an - 16:33

Oterok azaldu du 2008tik ari dela Europako Batzordea kezka agertzen EAEn zigorrik gabe geratzen den ingurumenaren aurkako delitu kopuru handiagatik. “Zigor arloan egon daitezkeen gabezietatik harago, eskumenak dituzten erakundeen arteko deskoordinazioa ere badago, bai eta delitu horien kontra benetan egiteko borondate politiko falta ere”, adierazi du EH Bilduk prentsa ohar batean.

Arartekoa, Eguzki talde ekologista eta EAEko Ingurumen Fiskaltza izan dira gaiaz hitz egiteko Legebiltzarreko Ingurumen Batzordearen aurrean agertu diren lehenak. Azkena Estefania Beltran de Heredia Eusko Jaurlaritzako Segurtasun sailburua izango da, azaroaren 27an. Agerraldiak amaitutakoan, arazoari aurre egiteko proposamen zehatza egingo du EH Bilduk, “lege aldaketak baztertu gabe”.

Ertzaintzan gabeziak

Ertzaintzak ingurumen delituetarako sail espezializatua duen arren, haren bitartekoak ez dira nahikoak lege urraketa guztiei erantzuteko. Hala ondorioztatzen da, besteak beste, Joseba Mikel Baladok 2016an egindako azterketa batetik. Bertan irakur daiteke, esaterako, dozena erdi agente baizik ez duela Ingurumen Unitateak. Azterketaren egilea bera ertzaina da, nahiz ez unitate horretakoa.


Kanal honetatik interesatuko zaizu: Ingurumena
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


2024-03-31 | Itxaro Borda
Open Bar

Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]


Energia berriztagarria Aragoitik Gatikaraino eramateko linea elektrikoen zama

Energia berriztagarria sortzeko proiektuek aurrera egin ahala, horien elektrizitatea garraiatzeko linea proiektuak ere azaleratzen ari dira. Horietako batzuk, adibidez, Nafarroa, Araba eta Bizkaia zeharkatzen dituzte.


Eguneraketa berriak daude