Info7 irratia, 10 urte uhinetan
10 urte dira Info 7 irratiak emititzeari ekin zionetik. Urteurrenaren karietara urte osorako ekimenak atondu dituzte, ‘Entzutekoa da, kontatzeko gaude’ lelopean.
2006ko urtarrilaren 27an jarri zen martxan Info7 irratia. Hori dela eta, asteazkeneko saio guztietan urteurrena hartuko dute hizpide. Kalegorrian saioak, albistegi nagusiak, Zebrabidea magazinak eta iluntzeko Gakoa albistegiak irratiaren hamargarren urtebetetzea izango dute ardatz. Tarte berezia egingo diete irratiaren hastapenetan aritu ziren lankide ohiei eta orain arteko entzulerik leialenei.
Baina ospakizuna ez da egun bakarrekoa izango: urte osoan hainbat ekimen egingo dituzte, ‘Entzutekoa da, kontatzeko gaude’ lemapean. Besteren artean, urteurrenaren abesti propioa sortuko dute, saio bereziak egingo dituzte Euskal Herriko hiri nagusietan, eta uda partean urteurren jaia izango da.
Irratiko kideen arabera, bazkide eta entzuleekiko konpromisoa berritzeko urtea izango da. Horrez gain, FM bidez legez emititu ahal izatea izango dute helburu. Euskal Herriko hiri eta herri batzuetan badute FM frekuentzia, baina bestela soilik internet bidez entzun daiteke.
#10urteInfo7 traolarekin jasoko dituzte urteurrenari buruzko mezuak:
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]
Ahotsa.infok 10 urte egin berri ditu lanean. 2014an jaio zen, Nafarroa maila sozial eta politikoan eraldatu nahi zuten haiei ahotsa emateko asmoz. Intentsitate handiko testuinguru batean, UPNk agintzen zuen eta Nafarroako Gobernuaren aurkako oposizioa kalean mobilizatzen zen,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]