'Talaq' hirukoitza

Indiako emakume musulmanek "dibortzio azkarra" eta bazterkeria garaitu dituzte

  • Muturreko praktika islamiko horrekin gizonak emakumea baliabide gabe utz zezakeen nahi zuenean. Herrialde hartako Gorte Nagusiak debekatu egin du orain.

Urko Apaolaza Avila @urkoapaolaza
2017ko abuztuaren 22a

Talaq edo dibortzio hitza hiru aldiz esatea nahikoa zuen gizonak emakumearengandik banandu, eta larriena dena, inolako ondare edo baliabiderik gabe uzteko. Ohitura arbitrario eta zapaltzaile hori Pakistan, Bangladesh eta mundu islamiar ia gehienean debekatuta zegoen, baina Indian gaurdaino iraun du herrialde horretan harreman pertsonalak arautzeko oraindik kodigo erlijiosoak erabiltzen direlako.

Indiako emakume musulmanek, ordea, urteak zeramatzaten ohitura horren kontrako kanpainan. The Guardian egunkariak azaldu duenez, ezkondutako hamaika emakume musulmanetik bat halako bazterkeria egoeran geratu da, kasu batzuetan nahikoa zen imanari talaq hirukoitza posta elektronikoz bidaltzea: emakumeak ondoren jakingo du gizonak abandonatu egin duela eta pentsiorik edo etxerik gabe geratu dela.

Gorte Nagusiak zazpi biktimen kasua aztertu du eta tribunalak ebatzi du ohitura hori ez dela praktika erlijioso baten parte eta “konstituzioaren morala urratzen” duela. Indiako bost erlijio nagusiak –hinduismoa, kristautasuna, islama, sikhismoa eta zoroastrismoa– ordezkatzen dituzten epaileen iritziz, “kapritxoz” hartutako erabakia da gizonarena.

Azpikontinente erraldoi eta populatuan 150 milioi musulman bizi dira, beste komunitate batzuk baina pobreagoa da orokorrean eta hezkuntza maila eskasagoarekin. Hala, emakume musulmanek zailago izan dute espiral horretatik irtetea.

“Guretzako egun oso pozgarria da, egun historikoa –esan dio egunkari britainiarrari Zakia Soman aktibistak–. Guk, emakume musulmanok, tribunalen eta zuzenbidearen babesa izateko eskubide bera baitugu”. Indiako legeen arabera, seme alabak mantentzeko soldataren herena eman behar dio gizonak emazte ohiari.

Auzi honetan, muinean India osoan harreman pertsonalak arautuko dituen kodigo zibil uniformea ezartzeko eztabaida ere badago. Narendra Modi hinduaren gobernu abertzaleak bultzatutako proiektua da.  

Agintari islamiko eta erakunde musulman asko, ordea, talaq hirukoitzaren kontra egonagatik, kodigo zibilaren kontra ere badaude, hinduismoan oinarritua egongo litzatekeelako euren esanetan.

Kanal hauetan artxibatua: Indarkeria matxista  |  India  |  Islama

Indarkeria matxista kanaletik interesatuko zaizu...
2018-06-24 | June Fernandez
Indarkeria birtualak

Ez naiz psikologian aditua, baina badakit bidegabekeriak eta biolentzia normalizatzea norbanakoaren babes mekanismo bat dela. Ezkertiarrak eta konprometituak izan gaitezke, hala ere, indarkeriaren bat normalizatzeko “beharra” izango dugu. Gaza, Nikaragua, ez ahaztu Siria. Altsasuko gazteak, Valtonic, La Manada, Helena Maleno, Proactiva Open Arms, Mame Mbaye, Huelvan marrubiak biltzen dituzten langileak. María del Sol Cruz Jarquín argazkilaria hil dute Mexikon... [+]


"Haurren kontrako sexu-indarkeriaren aurrean ezin dugu beste alde batera begiratzen jarraitu"

Euskal Herri osoko eragileek plataforma osatu dute, umeen kontrako sexu-indarkeria salatzeko. Domeka honetan, ekainaren 24an, manifestazioa egingo dute, Algortan. Telletxe plazatik aterako da mobilizazioa, 13:00etan.


2018-06-22 | ARGIA | ARGIA
'La Manada' auziko herri-akusazioak eta fiskaltzak helegitea jarriko dute

Herri-akusazio gisa, Nafarroako Gobernuak eta Iruñeko Udalak ‘La Manada’ baldintzapean aske utzi duen autoari helegitea jarriko diote. Fiskaltzak ere asmo berbera agertu du. Epaimahaiak ostegunean emandako autoak arrabotsa eragin du jendartean eta erakundeetan.


Biktimarengandik 500 kilometrotara bizi direlako utziko dituzte aske sanferminetako erasotzaileak

"Biktimaren sosegua" bermatu daiteke, "horren larriak ez diren beste neurri batzuekin", epaitegiaren autoaren arabera, eta horregatik utzi ditu libre talde bortxaketan parte hartu zuten gizonak.


2018-06-22 | ARGIA
Indarkeria zantzuak dituen emakume bat hilik aurkitu dute Asparrenan

Asparreneko gasolindegi baten alboan aurkitu dute ostegunean Alemaniako emakume gazte baten hilotza, indarkeria zantzuekin. Guardia Zibilak Jaenen (Andaluzia) gizonezko garraiolari bat atxilotu du kasuarekin lotuta.


2018-06-22 | ARGIA
Espainiako Justizia patriarkala dela salatu dute milaka lagunek

Nafarroako Auzitegiak 'La Manada'ko bost bortxatzaileak baldintzapean libre utziko dituztela jakin eta ordu gutxira milaka lagun kalera atera dira Euskal Herrian  Ozen eta haserre adierazi dute Espainiako justizia sistema patriarkala dela eta 2016ko Iruñeko Sanferminetan 'La Manada'k egindakoa ez zela abusua izan, bortxaketa baizik. Datozen egunetan mobilizazioak biderkatuko dira.


2018-06-21 | ARGIA
Court releases on bail five men who gang raped a teenager in San Fermin

A Spanish court in Navarre (Basque Country) sentenced five men to nine years in prison for gang raping a teenage girl in 2016 in Iruñea, during the world-known Sanfermin celebration. Now they will be able to leave prison, after a controversial judicial decision. The bail of 6,000 euros imposed by the judge has generated outrage among the Basques.


2018-06-21 | ARGIA
'La Manada' auziko bost bortxatzaileak aske utzi dituzte baldintzapean

Bederatzina urteko espetxe zigorra ezarri zien Nafarroako Auzitegiak berak baldintzapean aske utzi ditu, El Confidencial agerkariak jakitera eman duenez. 6.000 euroko fidantza ordaindu beharko dute kalera irteteko.


2018-06-19 | ARGIA
Kote Cabezudo kasua: Donostiako Udalak delituen ikerketan laguntzeko konpromisoa hartu du

Donostiako Udalak Kote Cabezudo argazkilari donostiarraren auziaren inguruko adierazpen instituzionala egin du. Alderdi guztiek babestu dute adierazpena. Biktima guztiei elkartasuna adierazi diete eta delituen ikerketan laguntzeko konpromisoa hartu dute. Ondorengo lerrootan adierazpen osoa duzue.


2018-06-18 | ARGIA
Sanferminetako bortxatzaileak baldintzapean aske uztearen gaineko erabakia astean zehar jakinaraziko da

Defentsa abokatuak jarritako helegitea aztertzeko agerraldia egin dute astelehenean Nafarroako Auzitegian, epai irmoa izan bitartean akusatuei baldintzapeko askatasuna esleitu ala ez erabakitzeko.


Azkenak
EGILEA
Eguneraketa berriak daude