Osasun pasea ezinbestekoa izango da jatetxe, taberna edo garraiobideetan sartzeko, eta osasun eta zaintza arloko langile eta laguntzaileek derrigorrez txertatu beharko dira. Asteburuan neurriaren aurkako mobilizazio jendetsuak izan dira berriz ere Ipar Euskal Herrian eta Frantzian.
COVID-19a pasatu izana, txertoa hartu izana edo gehienez ere 72 ordu lehenagoko test negatibo bat egin izana frogatu beharko dute herritarrek ostalaritza guneetara eta hainbat espazio itxietara sartu ahal izateko. Neurriak eztabaida handia piztu du Frantzian: batzuek bere beharra defendatzen dute osasun krisiaren aurrean, beste batzuek oinarrizko eskubideen aurkako inposaketa dela salatzen dute.
Mobilizazio jendetsuak
Hirugarren asteburuz jarraian osasun pasearen aurkako mobilizazio jendetsuak egin dira Ipar Euskal Herriko herri ezberdinetan. Mobilizaziorik jendetsuena Baionakoa izan da. Antolatzaileen esanetan 3.000 lagun batu dira deialdira. Mobilizazioak izan dira ere Hendaian eta Donibane Garazin, besteak beste. Frantzian ere manifestazioa jendetsuak izan dira.