Joan den igandean Ertzaintzak 26 urteko gizon bat atxilotu zuen indarkeria matxista leporatuta, Erandioko Altzaga auzoan. El Correok jakinarazi duenez, biktima ageriko zauriekin atera zen etxetik, laguntza eske. Ertzaintza eta Erandioko Udaltzaingoa bertaratu ziren, eta gizona atxilotu zuten. Emakumea erietxera eraman zuten, Segurtasun Sailaren iturrien arabera.

Igorreko kasua ere igandean gertatu zen. 33 urteko gizon bat atxilotu zuten, herriko etxebizitza batean sexu-erasoa egitea egotzita, Segurtasun Sailak Europa Pressi jakinarazi dionez. Bi kasuetan Ertzaintza gertaerak ikertzen ari da.