Antzinako errito eta ohituretatik jasotakoari esker inauteriak Euskal Herri osoan ospatzen dira. Hiri eta herrietan jendeak umorez igarotzen ditu aratusteak eta toki batzuetan urtarrilean izan baziren ere, Euskal Herriko txoko gehienetan ostegun gizenaren ondoren hasi dira festak.
Zubietan, Iturenen eta Leitzan, besteak beste, dagoeneko igaro dituzte inauteriak. Hego Euskal Herrian debekaturik egon ziren jai hauek baina denboran zehar iraun dute, eta urtetik urtera herri gehiagotan ospatzen dira.
Azpeitia: Igandetik asteartera ospatzen dituzte karnabalak Azpeitian. Elegante Eguna igandean izaten da eta XX. mende hasierako modan oinarrituz mozorrotzen dira. Sokamuturrak ere garrantzia handia du.
Azpeitiako Elegante Eguna. (Argazkia: Urola Kostako Hitza).
Lantz: Inauterietako astelehen eta asteartean ospatzen dituzte inauteriak. Ezagunak diren Ziripot, Miel Otxin, Zaldiko eta konpainia dira festaren protagonistak. Asteartean erretzen dute Miel Otxin erraldoia.
Markina-Xemein: Ezaguna da Markinako aratusteetako zahagi dantza. Zortzi lagunen artean dantzatzen da eta dantzarien aurretik, Hartzaren pertsonaia joaten da inguruko guztiak izutzeko asmoarekin.
Mundaka: Inauterien igandean atorrak ibiltzen dira kaleetatik barrena. Arropa zuriekin joaten dira atorrak, musika jotzen eta kantuan. Zuriz jantzita joaten dira guztiak, musika bandaren zuzendaria izan ezik.
Tolosa: Inauteriak ostegun gizenean hasten badituzte ere, igandetik aurrera mozorrotzen dira. Zezenketen, karrozen, konpartsen eta txarangen bueltan ospatzen dituzte inauteriak asteartera bitarte.
Unanu: Asteartean Mamoxarroak eta Muttuak kalera irteten dira jendeari makilarekin astintzeko asmoz. Mamoxarroak zuriz janzten dira eta aurpegia maskara batez estalita izaten dute eta Muttuak kolore biziz janzten dira.
Uztaritze: Hiru egunetan zehar Kaskarot, Ponpiera eta Kotilungorriak etxez etxe joaten dira dantzatzen eta eskean. Inauterietako asteartean, Zanpantzar herrian zehar ibiltzen da gurdi gainean eta azkenik, erre egiten dute.
Zalduondo: Inauterietako igandean Markitos pertsonaia da protagonista. Traje beltzarekin jantzitako panpina asto gainean herritik paseatzen dute. Ondoren, makila baten puntan ordu luzez uzten dute Markitos.
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
Irungo inauterietako kartel lehiaketa irabazi duen gizonak adimen artifizial bidez sortu du irudia, ziurtatu du Luis Doviso diseinatzaileak: “Iruzur egin du, bere burua egiletzat aurkeztu duen pertsonak ez duelako kartela egin, makina batek baizik”. Jakin gabe,... [+]
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Baserriz baserri eta etxez etxe ibili ohi dira Euskal Herriko hainbat mozorro dantzan eta kantuan, trukean zerbait jasoko duten itxaropenez. Atea jo eta ezkaratzetan egin ohi da festa. Askotan atarian ez ezik etxe barruetaraino sartzen dira mozorroak eta mahai bueltan egiten... [+]