Immigrazioa gehiago mugatzeari ezetz esan diote Suitzan, erreferendum bidez
Suitzarren %74,1ek ezetza eman dio igandean “Ecopop” deritzon proposamenari. Etorkinen sarrera mugatu nahi zuen proposamen horrek, hartara ingurumenaren babesa ziurtatzen dela arrazoituta.
Etorkinak biztanleriaren %0,2 soilik izatea nahi dute Ecopop-en bultzatzaileek (urtean 80.000 sartzetik 17.000 sartzera); garraio publikoaren erabilera eta etxe berrien eraikuntza murriztuko liratekeela argudiatzen dute, eta ingurumenari on egingo liokeela horrek.
Ez dituzte herritarrak konbentzitu, ordea, eta ezetzak irabazi du Suitzako kantoi guztietan.
Gobernuak eta parlamentuko bi ganberek hasieratik egin diote aurka proposamenari, baita enpresariek ere. Ekonomiarentzat kaltegarria izango litzatekeela esan dute, Suitzako lan-indarraren %25 etorkinek osatzen dutelako, 20minutos egunkariak jaso duenez.
2014an bigarrenez bozkatu dute suitzarrek immigrazio-legeen inguruan, baina otsailean etorkinen legeak zorroztearen alde egin zuten; Europar Batasuneko zenbait kuota berrezarri zizkieten.
Zazpigarren urtez segidan, Suitzako En Vert et Contre Tout elkarteak antolatu du Février sans Supermarché ekimena, helburutzat daukana herritarrak animatzea hilabetez beren erosketak ez egitera banaketa konpainia handien super edo hiperretan, baina hurbileko... [+]
Ostirala arte iraungo duen Munduko Foro Ekonomikoak, elite ekonomiko eta politikoko 2.500 agintari inguru bildu ditu Davoseko luxuzko eski estazioan. Horren aurrean, aktibista ekologisten ekintzak ikusten ari gara, baina baita munduko aberatsenen adierazpenak, agintariei... [+]
1960ko hamarkadan egin zen ezagun Jean-Luc Godard, zinemagintzaren kodeak hautsi eta berrasmatu zituen zuzendaria eta Nouvelle vague mugimenduko ordezkaria. Rollen (Suitza) eman du azken hatsa, 91 urte zituela.
Anna Gabriel CUPeko diputatua zen Kataluniako Legebiltzarrean, 2017ko urriaren 28an kargugabetua izan eta Suitzan erbesteratu zen arte. 2018ko uztailean bera atxilotzeko agindua eman zuen Espainiako Auzitegi Gorenak, desobeditzea egotzita eta geroztik "errebeldia"... [+]