Ikea ikertzen ari da Europa, zergak ez ordaintzeko egitura bat zuelakoan

  • Europar Batasunak ikerketa bat abiatu du altzarien multinazionalaren inguruan. Ustez zergei ihes egiteko egitura bat osatua zuen enpresa suediarrak, Holanda, Luxenburgo eta Liechtensteinen.

Andoni Mikelarena @andonimik
2017ko abenduaren 19a
Arg: Getty

Altzarigintzaren sektorea irauli zuen lehenik. Herritarrek euren kasa muntatu ahal izateko altzariak egiten hasi zen, diseinu finekoak. Orain berriz, zerga gutxiago ordaintzeko ere diseinu “fin” bat egin ote duen ikertzen ari da Brusela. Herbehereetan du egoitza multinazionalak, baina, ustez Luxenburgo eta Liechtensteinen sare bat eraikia zuen zergak ekiditeko.

Europarlamentuko Berdeen taldeak jarritako salaketa baten harira abiatu zuen iaz ikerketa Europak. 2006tik gaur arteko zergen kudeaketa aztertzen ari dira horrela. Zenbait kasutan legez kanpokoak ez badira ere multinazional hauek erabili ohi dituzten trikimailu fiskalak, finean, zergak barkatzeko bide bihurtu ohi dira.

Ikea frankizia da. Hau da, Barakaldoko Ikearen saltokia, esaterako, ez da izatez multinazionalarena. Denda horrek bere emaitzaren ehuneko hiru ordaintzen dio Ikeari. Hain zuzen, herbereetan duen Inter Ikea Systems enpresari. Mundu guztiko Ikearen frankizien emaitzen %3 Herbehereetan pilatzen da horrela.

Luxenburgo eta Liechtenstein

2006tik 2011ra Inter Ikea Systemek jabetza intelektualaren eskubide batzuk, I.I Holding Luxenburgoko enpresari ordaintzen zizkion. Frankizietatik bildutako diru gehiena ematen zion, hala jaso du Berria egunkariak. Hori 1929ko lege bat baliatuz egiten zuen. Europako Batzordeak ordea, lege hori indargabetzera behartu zuen Luxenburgo 2010erako. Luxenburgon Ikeak ez zuen zergarik ordaintzen.

Aukera hura agortuta, 2011n, Inter Ikeak jabetza intelektuala erosi zion Luxenburgoko Holding enpresari. Horretarako mailegu bat eskatu zion Liechtensteingo Ikearen beste sozietate bati. Mailegu horren interesak ordaindu behar zituen Ikeak eta bide hori erabili zuen frankizien aportazioak Liechtensteinera mugiarazteko.

Europako Batzordeak zabalik dauka ikerketa. Egitura hori zerga gutxiago ordaintzeko baliatu zuela frogatzen badu, 2006. urtetik gaurdainoko zergak ordaindu beharko dizkio multinazionalak Herbehereetako Gobernuari.


Iruzur fiskala kanaletik interesatuko zaizu...
2018-01-04 | Andoni Mikelarena
Iruzur fiskalaren aurka egiteagatik, Applek auzitegietara eraman du Attac

Attac, globalizazioaren aurkako mugimendua, auzitegietara eraman du Applek, Europar Batasunak ezarritako 13.000 milioi euroko isuna ordaintzea eskatzeagatik.


Apple iruzur fiskalean munduko txapeldun izendatu du ATTACek

“Apple, lapurreta mundiala” izenburuarekin azaroaren 9an ATTAC erakundeak zabaldu duenez, 2002tik gaurdaino sagar koskatuaren multinazionalak 16.000 milioi euroko zergak utzi dizkio pagatzeke Europar Batasunari. Berrikitan "Paradise Papers" agirietatik eskuratutako informaizoek berretsi dute Applek segitzen duela iruzur estrategia berean.


2017-09-01 | Estitxu Eizagirre
Munduko aberatsenen zerrendan Euskal Herriari lotutako hiru izen

Forbes aldizkariak zabaldu du 2017ko munduko aberatsenen zerrenda. Euskal Herriarekin zuzenki lotutako hiru izen hauek ageri dira: 693. postuan eta 2,9 mila milioi dolarren jabe Juan-Miguel Villar Mir (OHL enpresa); 973. postuan 2,5 mila milioi dolarren jabe Daniel Francisco Maté Badenes (Suitzan bizi den donostiarra); eta 1.795. postuan 1,1 mila milioi dolarren jabe Jose Maria Aristrain (ArcelorMittalen jabe olaberriarra).


Ana Beltran PPko buruzagiaren bodega, Nafarroako Gobernuaren zordunen artean

Bodegas Camilo Castilla bodegaren zuzendaritza darama PPko eledunak 1987tik eta 687.000 euroko zorra dauka. Nafarroako Ogasun sailak zordun handien zerrenda kaleratu du.


2017-04-02 | Lander Arbelaitz
Euskal Oasia sutan

Txosten gordina argitaratu du HerriUni-ko kide Nekane Jurado ekonomialariak. Krisiaren lehen urte gisa hartzen den 2008 urtea egungo egoerarekin konparatu du, Hego Euskal Herrian ere aberats eta txiroen arteko arrakala zabaltzen ari dela agerian utziz. Bertan 533.222 pertsona pobreziaren mugatik behera bizi dela jakiteak argi uzten du “Euskal Oasirik” ez dela, aberasten jarraitzen duten gutxi batzuentzat ez bada.


Europako banku nagusien irabazien %26 paradisu fiskaletatik dator

Oxfam Intermon eta Fair Finance Guide Internationalek kaleratutako txosten baten arabera, Europako hogei banku nagusiek 25.000 milioi euro irabazten dituzte urtero paradisu fiskaletan.


Enpresetan atzemandako zerga iruzurra nabarmen hazi da Araban

Arabako Foru Aldundiak enpresen zerga jardueraren kontrola zorroztuko zuela iragarri zuen iaz, eta aurtengo iruzurraren aurkako kanpainaren datuetan islatu da. Ikuskaritzak 77 milioi euroko iruzurra atzeman du eta horietatik 53 sozietate zergakoak dira, iaz baino 40 milioi gehiago.


Apple-ko erakusleihoak zuriz margotu dituzte, multinazionalaren gardentasun eza salatzeko

Attac mugimenduko militanteek Applek Parisen dituen bulegoak margotu dituzte, enpresaren opakutasun finantzarioa salatzeko. Aktibistek adierazi dute 2016an sagarraren multinazionalak 215.000 milioi dolar zituela paradisu fiskaletan.


Zerga iruzurraren behatokia osatzeko proposamena errefusatu du Eusko Legebiltzarrak

Iruzurraren aurkako behatoki bat sortzeko legez kanpoko proposamena egin dute EH Bilduk eta Elkarrekin Podemosek. EAJren, PSE-EEren eta PPren ezezko botoek atzera bota dute.


2017-01-13 | Estitxu Eizagirre
Igor Meltxor, Ahoztar Zelaieta eta Aimar Uribesalgoren hitzaldiak Azkoitian

Bidegi kasua, Donostiako erraustegiaren afera, iruzur fiskala... aztertuko dituzte, besteak beste, "Benetan ai al gea? Hau ez tao onartzeik!" izenburupean Azkoitiko Zakela Kultur Elkarteak antolatutako hitzaldietan: urtarrilaren 17an hasita, asteartero 19:00etan Zakela Herriko Tabernan.


Azkenak
EGILEA
Eguneraketa berriak daude