Partaideko arduradunek atzo (10) azaldu zutenez, ikastoletan ikasle gehiagok gainditzen dute ikasturtea EAEko beste eskoletan baino. Eusko Jaurlaritzako Hezkuntza Ikuskaritzak eman dituen datu hauen arabera, ikastoletako ikasleen %89,20k lortu du DBHko graduatu titulua, batez bestekoa baino %7,20 gehiagok. Batxilergoari dagokionez, %89,9k gainditu du ikastoletan, beste eskoletan berriz, %80k. Lehen Hezkuntzan ematen dira gainditze portzentaia handienak.