Ikasle presoak klasean egon daitezen eskatzeko, kartzela-martxa egingo dute Osnyra
Ikasle presoei “elkartasuna adierazi eta jasaten ari diren jazarpena” salatzeko, apirilaren 5erako eta 6rako antolatu du Prest!-ek (Ikasle mugimenduko presoen sostengurako taldeak) martxa Osnyko —Paris ingurua— kartzelara.
Ikasle presoen gaia lantzen duten Ikasle Mugimenduko kideen taldeak orain dela hilabete batzuk hasi ziren biltzen, “problematika hau lantzeko zeuden gabeziez jakitun”. Zabaldu duten oharrean salatu dute ikasle presoen egoerak “negargarria” izaten jarraitzen duela.
Azaldu dute bakarrik Frantziako Estatuan dauden preso politikoek ikasi dezaketela EHUn, gradu zehatz batzuk. Espainiako Estatuan preso daudenek ezin dute unibertsitate horretan ikasi. Ikas-baldintzak ere salatu dituzte: “azterketak egiteko zailtasunak, apunteak eskuratzeko ezintasuna, ikasketa tasa osorik ordaindu beharraren kostu ekonomikoa, EHU eta beste instituzioen pasibotasuna, tutoretzak edukitzeko ezintasuna…”
Adibide bezala Osnyn bertan preso daudenen David Plaren eta Julen Mendizabalen kasua jarri dute. Nahiz eta jada arazoa konponduta dagoen, duela aste gutxi ikasteko beharrezkoa duten materiala blokeatu zieten.
Ikasleei “erantzuna emateko” deia zabaldu diete. Apirilaren 5ean hainbat autobus aterako dira Osnyruntz, eta 6an hango presoei —Pla, Mendizabal eta Joseba Fernandez— zein beste ikasle presoei elkartasuna adierazi eta beren askatasuna galdegingo dute.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]