Eritasunak eraman du Igor Lopez de Muniain gasteiztarra. Politikan inplikatua zen, besteak beste Aralar alderdian eta ondotik EH Bildu koalizioan. 2012tik 2016ra legebiltzarkide izan zen arabarra, EH Bildurentzat. Hainbat borroka sozialetan ere inplikatuta zegoen.

Koalizioak eman du kidearen heriotzaren berri, egindakoa eskertuz: "Militante fina eta zorrotza, ez ditugu elkarrekin pasatutako une ederrak ahaztuko". Uztailaren 19an zendu da Lopez de Muniain. Alea.eus webgunean irakurri dezakegu bere lagunek idatzitako agur-mezua: "Betiko gurekin, Igor".