Euskal Autonomia Erkidegoan igandean 4 pertsona gehiago hil dira koronabirusez azken egunean. Nafarroako Gobernuak arratsaldean jakinaraziko du heriotza berririk ez dela gertatu herrialde honetan. COVID-19ak orain arte Euskal Herrian hildakoak 2.125 dira, milioiko 670 heriotza. Euskaldunok estatu independentea bageneuka, une honetan munduko hirugarren herrialde kaltetuena ginateke, San Marino eta Belgikaren ostean.
Eusko Jaurlaritzak zabaldu duenez, igandean Euskadiko Autonomia Erkidegoan 4 pertsona gehiago hil dira koronabirusez. Nafarroako Gobernuak arratsaldean jakinarazi duenez, heriotza gehiago ez da gertatu bertan. Iparraldean aspaldian ez da inor gehiago hil. Denetara, Euskal Herrian ekainaren 15a arte 2.125 pertsona hil ditu COVID-19ak.
Euskal herritarrok azken estatistiken arabera 3,17 milioi biztanle garenez, gure arteko hilkortasun tasa da milioi 1 biztanleko 670. Euskal Herria independentea balitz, munduko herrialdeen artean milioiko heriotza gehien eduki dituztenen zerrenda honela osatuko litzateke: 1. San Marino 1.238, 2. Belgika 833, 3. Euskal Herria 670, 4. Andorra 660, 5. Erresuma Batua 614, 6. Espainia 580, 7. Italia 568, 8. Suedia 483, 9. Frantzia 451. 10 AEB 356...
Eusko Jaurlaritzak EAE osoko datuak bai baina Araba, Bizkaia eta Gipuzkoako hildakoen kopururik ez du ematen maiatzaren 14tik eta gaur ere informazio hau ez du erakutsi.