Atxiloketen bidez Idomenin dauden boluntarioak estutzen ari da Greziako Gobernua
Errefuxiatuei laguntza eskainiz Idomenin boluntario gisa ari diren Brigada Vallesanako bost kide kataluniar atxilotu ditu Greziako poliziak. “Mazedonia eta Greziaren arteko harremanen aurka aritzea, besteen bizia arriskuan jartzea eta ordena publikoa aztoratzea”, egozten die fiskaltzak. Jada kalean daude atxilotuak, epaiketaren zain.
Joan den asteazkenean atxilotu zituzten. “Polizia sekretuak errepide ertzean geldiarazi zituen. Beraiengana gerturatu ginen eta identifikatzen ari ziren. Halako batean, furgonetan sartu zituzten eta Polykastrora zeramatzatela esan ziguten”, azaldu dio Sara Montesinos boluntario eta kazetariak La Directari.
Polizia autoa segitzea erabaki zuen Montesinosek –beste bi kiderekin batera– eta furgoneta beste nonbaitera zihoala ikusi zuten. Bidean Montesinos eta kideak identifikatu zituzten, “polizia auto bat jarraitzea” legearen aurkakoa dela argudiatuz.
“Arrazoi zehatz batengatik atxilotu dituztela esan digute, arrazoia zein den zehaztu gabe”, adierazi du boluntario eta kazetariak bere Twitter kontuan. Atxilotuak kalean daude, baina azaroaren 18an epaituko dituzte.
Boluntarioak atxilo
Asteazkenekoa ez da Greziako poliziak errefuxiatuen defentsan diharduten boluntarioak atxilo daramatzan lehen aldia. Apirilaren 5ean Alemaniako, Erresuma Batuko, Herbeheretako, Suediako, Austriako, Portugalgo eta Txekiar Errepublikako hamabost boluntario atxilotu zituen.
Migratzaileak protesta egitera bultzatzea egozten diete atxilotuei. “Gure aurka, errefuxiatuak Idomenin jarraitzera bultzatu duten Gobernuz Kanpoko Erakunde ugari atzeman dugu, beraien interesen kaltetan”, esan du Greziako presidente Alexis Tsiprasek. “Mugak itxita daude eta Greziak ezin du hori aldatu”, gaineratu du. Montesinosek akusazio horiek gezurtatu ditu.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]