Ibon Iparragirreren bizitza kinka larrian dagoela salatu dute

  • Preso ondarrutarrari egin dizkioten azken analisietan 20 defentsa baino ez dituela, eta beraz, hilzorian dagoela salatu du Iparra Galdu Baik plataformak. Presoak beste pneumonia bat harrapatuz gero hil egingo dela esan du forenseak, Lea Artibaiko Hitzak zabaldu duenez.

ARGIA @argia
2017ko urriaren 13a
Ibon Iparragirre, aita bisitatzera Ondarroara ekarri zutenean. (Lea Artibaiko Hitza)

Irailaren 14an egin zizkioten azken odol analisietan defentsak 50etik 20ra jaitsi zaizkiola aditzera eman dute. Azaldu dutenez, 20 defentsa izanik “edozein infekziok heriotzara eramango luke, kartzelako medikuei ezertarako astirik eman barik”.

Egoeraren larritasunaz jabetuta ondorengo adierazpenak egin ditu Iparra Galdu Baik plataformak: “Egia da, lapurretak, irainak eta jipoiak jasan izan dituenean ere erabili izan dugula ‘muturreko’ hitza bere egoera azaltzeko. Oraingo honetan, bere osasun egoera da azken mugara ailegatzen ari dena, eta ez gabiltza txantxetan. Ez badugu zerbait egiten, eta bizkor, Ibon bertan geldituko zaigu”.

Presoaren egoera larriaren berri eman eta mobilizazioak antolatzeko urriaren 15ean elkarretaratze informatiboa egingo dute Ondarroan, 13:00etan Alamedan.

Gaixo larria

Ibon Iparragirre larri gaixo dagoen presoa da. HIESA du, eta gaixotasunak burmuinean orban bat sortu dio. Nerbio optikoa kaltetuta dauka, eta ondorioz, ikusmena galtzen ari da. Gainera, atake epileptikoak jasaten ditu. Bi urte daramatza modulu arruntean, gainontzeko euskal presoekin harremanik izan gabe.

Iparragirreri espetxealdi arindua eman zioten 2011n, baina 2014an berriro atxilotu zuen Ertzaintzak, eta harrezkeroztik espetxean da. Alcalá-Mecon dago gaur egun.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gaixo larriak  |  Ondarroa

Gaixo larriak kanaletik interesatuko zaizu...
2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


2018-01-17 | ARGIA
Ibon Iparragirre euskal presoa Arrasatera bidean da, Aita Menni zentroan artatu dezaten

Berriak argitaratu duenez, larriki gaixo dagoen euskal presoa Arrasateko Aita Menni zentrora eramango dute aurki.


2017-12-18 | ARGIA
Ibon Iparragirreren egoera salatu dute Donostian pankarta erraldoi batekin

Hiesa daukan eta Espainiako Alcalá-Meco espetxean preso daukaten Ibon Iparragirreren egoera salatu dute ostiral arratsaldean Donostian.


2017-12-05 | Hala Bedi
Gaixo larri dagoen Ibon Iparragirren askatasuna eskatu dute HIESAren aurkako egunean Gasteizen

Ibon Iparragirre HIESa duen euskal preso politikoa da, larriki gaixo dago eta bere osasuna okerrera doa. Eraso epileptikoak ditu noizean behin; hori gutxi balitz, ez du ia ikusmenik.


2017-11-14 | Andoni Mikelarena
Euskal Herritik Madrilera anbulantzian, Ibon Iparragirre eta Manu Azkarateren bila

Ekimena egin du goizean Sarek Alcalá-Meco (Madril) espetxearen aurrean. Anbulantzian joan dira larri gaixo dauden euskal presoen bila.


2017-11-14 | Andoni Mikelarena
Larri gaixo dauden presoak askatzeko eskatu dute Nafarroako sindikatuek

Iragan ostegunean Nafarroako Parlamentuak egindako adierazpenarekin bat egin dute sindikatuek. Foro Sozialak bultzatu du ekimena.


Preso gaixoei indarrean dagoen legedia aplikatzeko eskatu du Nafarroako Parlamentuak

Geroa Bai, EH Bildu, Podemos-Ahal Dugu, PSN eta I-Eren aldeko botoak jaso ditu ebazpenak. UPNren eta PPNk aurkako botoa eman dute.


2017-10-23 | Miren Osa Galdona
Ibon Iparragirre aske uzteko eskatu dute Ondarroan milaka lagunek

Presoaren egoera “larria” salatzeko, manifestazioa egin dute milaka lagunek igande eguerdian Ondarroan, Bizkaian. HIESA dela eta, defentsak oso baxu ditu Iparragirrek; azken mediku txostenaren arabera, hogeiraino jaitsi zaio defentsa maila – ohiko egoeran 700ean dute pertsona osasuntsuek –  eta egoera “muturrekoa” da. Pasa den astean senideek adierazi zutenez, mendekuaren ondorioz dago Iparragirre egoera honetan.


2017-10-19 | Miren Osa Galdona
Mendekua alboratu eta Iparragirre berehala askatzeko eskatu dute senideek

Ibon Iparragirre presoaren egoera oso kritikoa dela adierazi dute, beste behin, bere senitartekoek. Bilbon egindako agerraldian, gorrotoan eta mendekuan oinarritzen diren espetxe politikek “Ibon hilko dutela” adierazi dute. Berehala aske utzi dezaten eskatu dute, gaixo larrien kasuetan egin ohi den bezala. Mobilizazioak iragarri dituzte preso gaixoen egoera salatzeko.


2017-07-05 | ARGIA
Espetxe politika garai berrietara egokitzeko eskatu diote sindikatuek Espainiako Gobernuari

ELA, LAB, UGT, Steilas, ESK, Hiru, EHNE eta Etxaide Mugimenduak agerraldi bateratu bat egin dute asteazkenean Bilbon, Foro Sozial Iraunkorraren babesean, Madrilgo Gobernuari espetxe politika alda dezala eskatzeko.


Azkenak
EGILEA
Eguneraketa berriak daude