Ibon Fernandez Iradi aske utzi ala ez ekainaren 20an erabakiko da
Esklerosi anizkoitza du Ibon Fernandez Iradik, eta Lannemezango espetxean (Okzitania) dago preso. Frantziako Kondenen Betearazteko Auzitegiak zigorra kentzeko eskaera aztertu ostean erabakia ekainaren 20ra atzeratzea erabaki du Kazeta.info-n irakur daitekeenez.
Ekainaren 14an "Giza eskubideak, konponbidea, bakea" lemapean Baionan manifestazioa deitu duen Ni Ere Banoa mugimenduak adierazi du fiskala Fernandez Iradiren zigor suspentsioaren kontra azaldu dela. Presoaren abokatu Maritxu Paulus Basurkok azaldu duenez, debate luzea izan da epaileen artean.
2010ean lehen sintomak
Eritasunaren lehen sintomak 2010ean izan zituen, eta 2013ra arte ez zioten esklerosi anizkoitza duela jakinarazi. Kondena eteteko beharrezkoak diren "baldintza guztiak" betetzen dituela adierazi du Ibon Fernandez Iradiren abokatuak.
Eskaera onartuko balitz, Fernandez Iradi sei hilabetero osasun azterketak egitera behartuta egongo da, eta zigorra betetzen jarraitu beharko du, kartzelatik kanpo bada ere.
Fernandez Iradiren aldeko protesta Baionan
Larunbatean Fernandez Iradi libre uzteko eskatu zuten Baionako kaleetan giza-katea osatuz bildu ziren 350 lagun inguruk. “Legea aplikatzeko” eskaera egin zuten bertan bildutakoek, gaixotasun larria pairatzen duen preso orok kartzelatik kanpo egoteko daukan eskubidea aldarrikatu zuten.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"