Ibilgailuen gas kutsatzaileek 107.000 heriotza goiztiar eragiten dituzte urtean
Diesel autoen erdiak eta autobus eta kamioien heren batek gasen isurketen muga legalak gainditzen dituzte. Gehiegizko emisioek 28.000 heriotza goiztiar eragin zituen 2015ean, ingurugiro agentzia estatubatuarrek egindako ikerketa baten arabera.
Vokswagen-en auto trukatuen eskandalua argitara atera zuen GKEak diesel ibilgailuek osasunean eragiten duten inpaktuaz ohartarazi du. Europar Batasuna, AEB, Txina, India, Australia, Brasil, Kanada, Japonia, Mexiko, Errusia eta Hego Koreako ibilgailuek legez isur dezaketen gas kutsatzaile kopurua eta benetan isurtzen dutenaren arteko aldea neurtu dute.
Emaitzek diote herrialde horietako autoek 13,2 milioi tona nitrogeno oxido (NOx) isuri zituztela 2015ean, eta 4,6 milioi tona zenbatu gabe zeudela, egoera normalean baino askoz gas gutxiago emititzen dutelako kutsadura neurtzeko proba teknikoetan.
Nitrogeno oxidoak bihotzeko eta arnas aparatuko gaitzak eragiten ditu. Ikerketaren emaitzen arabera diote gas horien eraginez aurreikusitakoak baino 38.000 heriotza goiztiar gehiago egon ziren 2015ean, horien %80 Europar Batasunean, Txinan eta Indian. Orotara, dieselaren NOx gasek 107.600 heriotza goiztiar eragin zituzten ikertutako herrialdeetan.
Neurri zorrotzagoak jarri ezean arazoa areagotuko dela ohartarazi dute ikertzaileek. Joerak berdin jarraitzen badu 2040an 184.000 pertsona hilko dira gas kutsatzaileengatik. Arazoa neurri handi batean konpon liteke emisioen muga zorrotzagoak ipinita eta dagoeneko existitzen diren arauak betetzen direla ziurtatuta.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]