IBEX 35eko goi karguek euren enpresetako langile prekarioenek baino 207 aldiz gehiago kobratzen dute

  • IBEX 35 osatzen duten enpresen zuzendari taldeetako buruen soldatek %15 egin dute gora. Langileenak, aldiz, %0.3.

Miren Osa Galdona @Mirentx_U
2017ko abenduaren 05a

Oxfam Intermonek argitaratu duen txostena: desberdintasun sozialak areagotzea bultzatzen duten neurriak hartzen jarraitzen dute enpresetako eliteek. Banco Popular, Ferrovial eta Inditex dira soldaten arteko desberdintasun gehien dituzten enpresak. Klase sozialen arteko desberdintasunak murrizteko, gutxieneko soldata %13 igo beharko litzatekeela dio Oxfam Intermonek: “Egoera ez litzateke erabat irauliko, baina enpresaburuen eta langileen arteko desberdintasun ekonomikoak lausotzen lagunduko luke”. Orotara, goi kargu batek enpresako bataz besteko soldata baino 112 aldiz gehiago poltsikoratzen du.

Genero arloan ere bi muturrak oso aldenduta daude elkarrengandik: IBEX 35 enpresetan langileen %40 baino ez da emakumezkoa eta soilik %20k dituzte zuzendaritzako karguak. Generoen arteko berdintasuna lortzerako orduan, enpresen gardentasun eza nabarmendu du erakundeak. “Datu gutxi ematen dituzte eta gehienak ez dira benetan hartutako neurriak”.

Kanal honetan artxibatua: Prekarietatea

Prekarietatea kanaletik interesatuko zaizu...
Lafargek porlanaz gain lan-zuzenbidea nola kiskalarazi duen Grezian

Osasun eta gizarte segurantzarik gabeko lan kontratuak, enplegu agentzia pribatuen nagusitasuna, egun eta ordukako kontratuak, pagarik gabeko lanaldi derrigortuak, mugarik gabeko kanporatzeak, soldata jaitsiera etengabeak... Nola gertatu da langileen prekarizatze basati hau? Jakina zen konpainia handietako ugazabek sustatu dutela herrialde bakoitzeko lan zuzenbidea herdoiltzeko estrategia. Grezian agiri eta guzti erakutsi dute hori nola bultzatu duen multinazional batek.


2017-11-26 | Estitxu Eizagirre
"Tekla egokia jotzen baduzu despatxuren batean norbait dardarka jartzen da"

Manu Robles-Arangizek ARGIArekin elkarlana lotu ostean, Urko Apaolaza ELAren bulegora joan eta karpeta arrosa pasa ziotenean hasi zen guztia: “Ikusi orduko ohartu nintzen altxor handia genuela”. Dokumentazio lanari AHTren obretara eginiko joan-etorriak gehitu dizkio kazetariak eta urtebeteren buruan esku artean du hankak lohietan idatzitako Zuloan liburua.


2017-11-24 | ARGIA
'Zuloan' liburua, datorren astetik aurrera kalean

Urtebeteko lanaren ostean egun gutxi barru izango da kalean Zuloan, AHT eta lan-esplotazioan barrena egindako bidaia baten kronika.


AHT eraikitzeko diruaren %30 Espainiako hiru multinazionalek bereganatu dute

Euskal Y delakoaren esleipenetan Isolux-Corsan, Acciona eta ACS konpainia espainiarrak dira gehien jaso dutenak. Euskal jatorriko enpresak atzealdeko bagoietan geratu dira.


Mezulari prekarioak kooperatiban antolatzen Deliverooren aurrean

Bartzelonan ari dira bat osatzen, Parisen beste bat kasik prest daukate, Toulousen ba omen dago bat martxan... Hiri handietan jaki azkarrak jatetxeetatik etxebizitzetara banatzen dituzten bizikletazko mezulariak kooperatibetan antolatzen hasi dira, Deliveroo bezalako konpainiek horietako asko kaleratu ostean. Milioika jende prekariotzara kondenatu dituen 'Gig Economy' delakoaren barruan duintasunez bizirauteko ahalegina da, zailtasun askoren artean ernea.


2017-10-26 | Topatu.eus
Ikasleak prekarietatean
MULTIMEDIA - erreportajea

Ikasketak eta lana uztartzeko zailtasunak, alokairuen prezio ordainezinak, denboraren kudeaketa zaila edota garraioaren eskasiak... Askotariko arazoei aurre egin behar izaten diete Euskal Herriko ikasleek egunerokoan. Prekarietateari eutsiz batzuetan, alternatibak eraikiz besteetan. Euren testigantzak eman dizkigute Euskal Herriko bost ikaslek.


2017-10-19 | ARGIA
Gipuzkoako obra nagusiak "geldituko" dituela ohartarazi du ELAk, prekarietatearekin amaitzen ez bada

Eraikuntzaren arloan, Gipuzkoan egoera jasanezina bizi dutela azaldu du sindikatuak, AHT, erraustegia, Anoeta eta beste obra askotan azpikontratazioa eta prekarietatea nagusi direlako. Mobilizazioak azkartuko dituztela iragarri dute.


2017-10-02 | Xalba Ramirez
Basaurin hildako langilearengatik protestak deitu dituzte

Ostiralean Basaurin hildako beharginaren lan-baldintza kaxkarrak salatu dituzte sindikatuek eta mobilizazioa deitu dute astelehenerako.


2017-09-21 | Hala Bedi
Bizkaiko zahar egoitzetako langileen alde kalera atera dira emakumeak Gasteizen

Jada 300 egun baina gehiago egin dituzte greban, lantokiak gainditzen ari den borrokan. Emakumez osatutako mobilizazioa jendetsua egin dute Gasteizen.


2017-09-20 | Hiruka .eus
Langile bat hil da Erandioko Cables y Alambres enpresan

Behargin bat hil da asteazken goizean Altzagako Cables y Alambres Especiales SA enpresan, martitzenean izandako lan-istripu baten ondorioz.


Azkenak
EGILEA
Eguneraketa berriak daude